Молитва царица Александра

Молитва царица Александра

Мученице Александре, царице (тропарь и кондак)

Ц а́рства земна́го сла́ву презре́вши,/ Еди́наго Христа́, нас ра́ди распя́таго, возлюби́ла еси́/ и, Того́ му́жественне испове́дающи,/ венце́м му́ченическим увенча́лася еси́,/ всеблаже́нная цари́це Алекса́ндро./ Те́мже и ны́не Престо́лу Царя́ сла́вы на Небесе́х предстоя́щи,// моли́ся о спасе́нии душ на́ших.

Х рам Твой всечестны́й,/ я́ко цельбу́ душе́вную обре́тше вси ве́рнии,/ велегла́сно вопие́м ти,/ му́ченице Алекса́ндро, великоимени́тая:// Христа́ Бо́га моли́ непреста́нно о всех нас.

Новости

31 Октябрь 2019

Обновления на сайте

Добавлены молитвословия в разделы:

* Новомученикам и исповедникам XX века

* Мученикам

Обновление на сайте

В раздел МОЛИТВОСЛОВ добавлен

08 10 Чин Вечерни для домашнего (келейного) чтения.

Объявления

08 Июль 2014

Внимание!

Уважаемые пользователи, скачать богослужебные книги Вы можете на сайте ДЬЯЧОК , который является приложением к сайту Псаломщик.

ПОИСК ПО САЙТУ

Чтобы быстро найти нужную вам информацию, воспользуйтесь Поиском по сайту Псаломщик находящимся на главной странице.

Мученица царица Александра Римская

Память: 26 апреля / 6 мая

Александра Царица [Августа] († 303), мц. (пам. 23 или 21 апр.; копт. 10 апр.). Пострадала в Никомидии вместе с вмч. Георгием Победоносцем по приговору имп. Диоклетиана. А. Ц. уверовала во Христа, став свидетельницей чудесного исцеления ангелом вмч. Георгия от страшных ран, полученных им от лезвий ножей и гвоздей на колесе для пыток. Она пожелала тут же исповедовать Христа, но проконсул Магненций удержал ее от этого. Затем Александра Царица увидела, как вмч. Георгий, зарытый по плечи на 3 дня в яме с негашеной известью, вышел из нее живым и невредимым. Когда Александра Царица узнала, что силой крестного знамения вмч. Георгий разбил все статуи богов в храме Аполлона, она явилась в суд и открыто исповедала Христа, высмеяв языческих богов и обличив императора в нечестии. После этого поступка Диоклетиан повелел казнить вмч. Георгия, а вместе с ним и Александра Царица с радостью последовала на казнь, но по пути изнемогла, присела на камень у дороги и умерла. По др. версии, ей, так же как и вмч. Георгию, отсекли голову.

Мученица царица Александра Римская. Икона, XIX век

Можно предположить, что Александра Царица была вдовой одного из императоров, предшественников Диоклетиана, — с 270 по 284 г. в империи сменилось 15 правителей. Во многих рус. житийных текстах и у свт. Димитрия Ростовского она названа женой самого Диоклетиана. Однако известно, что единственной супругой этого императора была Приска, погибшая вместе со своей дочерью Валерией, женой имп. Галерия, в 313 г. Ни у Симеона Метафраста, ни в Ватиканском кодексе 916 г., ни в ряде др. визант. и лат. древних текстов Александра Царица не называется женой Диоклетиана. Единственным исключением среди греч. источников является компиляция Феодора Дафнопата (BHG, N 673/674). Др. попытка отождествить А. Ц. с Приской была сделана уже в ХХ в. и приведена в Минее, изданной МП (Апрель. Ч. 2. С. 164). Здесь смерть Александры Царицы в 303 г. названа ложной и ее мученическая кончина отнесена к 313 г. Однако эта гипотеза не находит никаких подтверждений не только в древних канонических житиях, но и в многочисленных апокрифах — лат., араб., сир., копт., груз., эфиоп. и даже тохарском, а потому не может быть принята.

Краткое житие Александры Царицы переведено на слав. язык в XII в. в составе Пролога Константина Мокисийского. Память переведена в 1-й пол. XIV в. в составе Стишного Пролога. В XVI в. житие и память включены под 21 апр. в ВМЧ (Иосиф, архим. Оглавление ВМЧ. Стб. 90).

Гимнография

Память Александры Царицы зафиксирована в Типиконе Великой ц. (IX-Х вв.), Минологии имп. Василия (Х в.) и во мн. др. месяцесловах (Сергий (Спасский). Месяцеслов. Т. 2. С. 117, 119). В греч. рукописи Х. в. (Ath. Vatop. 1104. F. 145-147) сохранился не вошедший в печатные Минеи канон 2-го гласа Феофана Начертанного Александре Царице (Ταμεῖον. Р. 189, N 72). В совр. богослужебной практике греч. и рус. Церквей отдельное последование Александры Царицы не совершается. Александра Царица. упоминается в бденной службе (см. Знаки праздников месяцеслова) вмч. Георгию Победоносцу. В Минее (МП) помещен особый тропарь Александре.

Иконография

В визант. и древнерус. искусстве наряду с единоличными изображениями Александры Царицы представлена в нек-рых сюжетах жития вмч. Георгия Победоносца, осуждение Георгия; исповедание веры Александры Царицы перед имп. Диоклетианом — в ц. вмч. Георгия в Старо-Нагоричино (Македония), 1317-1318 гг. (Александра Царицы в хитоне и мафории); мученичество вмч. Георгия и Александры Царицы — в настенном минологии нартекса ц. Вознесения мон-ря Дечаны (Югославия, Косово и Метохия), 1348-1350 гг.; обращение Александры Царицы в христианство вмч. Георгием — на житийной иконе вмч. Георгия, нач. XVI в. из Успенского собора г. Дмитрова (ЦМиАР). В «Ерминии» Дионисия Фурноаграфиота, нач. XVIII в., Александра Царица упоминается в связи с усекновением главы вмч. Георгия: «Поодаль. царица Александра сидит на камне, мертвая; ангел приемлет ее душу» (Ч. 3. § 21. № 9). В Большаковском иконописном подлиннике, XVIII в., об А. Ц. сказано: «Аки Екатерина, подобием такова».

Мученица царица Александра Римская. Икона, конец XIX века

В XIX в. во имя Александры Царицы, являвшейся святой покровительницей рус. императриц, были освящены московские храмы: церковь 1835 г. в Александринском дворце в Нескучном саду; церковь 1835 г. в Александровском военном училище, на Знаменке (освящена во имя Александры Царицы в 1851 г.); придел во имя свт. Николая и Александры Царицы 1899 г. в ц. апостолов Петра и Павла (1863 г.) в Хамовнических казармах; придел во имя свт. Николая и Александры Царицы 1894 г. в ц. прор. Осии (1890 г.) в Покровских казармах, где, очевидно, находились почитаемые иконы святой.

Александр Бугаевский, Александра Никифорова

Использованная литература

Арх.: Vat. gr. 1660 (916 г.), Paris. gr. 499 (XI в.), Paris. gr. 1534 (XI в.).

Ист.: ActaSS. April. T. 3. P. 100-163; ВМЧ. Апрель. М., 1916. C. 862-878; PG. 97. Col. 1169-1192; SynCP. P. 619-620; Casson L., Hettich E. L. Excavationes at Nassana II: Literary Papyri. Princeton, 1950. P. 128-142 [папирусные фрагменты]; Krumbacher K. Der heilige Georg in der griechischen Überlieferung // Abhandlungen der Bayer. Akad. der Wiss. Münch., 1911. Bd. 25. Abh. 3. S. 1-40; 78-83 [публ. апокрифов]; Мусульманское сказание о святом Георгии // Этнографическое обозрение. Т. 26. С. 122-134.

Лит.: Delehaye H. Les légendes grecques des saints militaires. P., 1909. P. 43- 52; Бугаевский А. В., Владимир (Зорин), игум. Житие, страдания и чудеса святого великомученика и Победоносца Георгия и святой мученицы царицы Александры. М., 1998.

Иконогр.: Ерминия ДФ. С. 192; Большаков. Подлинник иконописный. М., 1903, 1998. С. 91; Kaster K. G. // LCI. Bd. 5. Sp. 89-90; Миjовић. Менолог. C. 338; Антонова, Мнёва. Т. 1. № 218. Илл. 168; Т. 2. № 640. Илл. 80; Сорок сороков. М., 1992-1995. Т. 2. № 38, 90. Т. 3. № 39, 273; Бутиков Г. П. Музей-памятник «Спас на крови». СПб., 1996. С. 87, 95; Вздорнов Г. И. Роспись собора Рождества Богородицы Ферапонтова монастыря (перечень композиций) / Музей фресок Дионисия. М.; Ферапонтово. 1998. С. 11. № 79; Синай, Византия, Русь. Православное искусство с VI до начала XX в. Кат. выст. / Монастырь Св. Екатерины на Синае, Фонд Св. Екатерины, ГЭ. Б. м., 2000 г. С. 444-447. R-237, R-239.

Православные акафисты

Память: 26 апреля / 6 мая

Царица Александра, возможно, была вдовой одного из императоров, предшественников Диоклетиана, при котором она и пострадала. Ей молятся о даровании крепкой веры, о помощи в преодолении искушений и гонениях.

Мученица царица Александра Римская. Икона, конец XIX века

Кондак 1

Избранней от рода царского к славному подвигу исповедания мученического, похвальная воспоим мужественной защитнице нашей царице Александре, память честно твою почитающи, ты же от всяких нас бед спаси и к Царю царей приведи, Ему же вкупе со славным Победоносцем Георгием предстоиши, да зовем ти:

Радуйся, мученице славная, царице Александро!

Икос 1

Ангелов и человеков Творец и Создатель, Имже цари царствуют и дается всякая власть человекам, времена и сроки в своей власти Положивый и вся ко спасению устрояяй, провидя верное сердце твое, готовое к восприятию Истины, Иже есть Господь наш Иисус Христос, избра тебя, царице Александро, от царского служения к славному подвигу исповедования мученического. Сего ради мы, дивяся Премудрости Божией и славному подвигу страданий твоих, зовем ти таковая:

Радуйся, от славного царского служения к подвигу мученического исповедания призванная!

Радуйся, от трона царского земного в Царствие Небесное прешедшая!

Радуйся, земное царство тленное без сумнения на Царствие Небесное сменившая!

Радуйся, за то в объятия Отеческие с отеческой любовию Отцом Небесным восприятая!

Радуйся, мученице славная, царице Александро!

Кондак 2

Видя гонение на христианы нечестивого мужа своего Диоклетиана и славныя чудеса великомученика Георгия, силою Божией силу дьяволю поправшего, не убоялася еси гнева царского и мучительства, но мужественно Христа исповедала еси, Тому глаголя: Аллилуйя!

Икос 2

Разум ко спасению и Божиих тайн разумению дал тебе Царь Небесный Христос Бог наш, славная мученица премудрая царице Александро, да видев чудеса великомученика Георгия, твердым умом исповедовавшего Премудрости и смыслов Подателя, не убоялася еси ни прещений, ни гнева царева, но от всея души и сердца исповедовала Христа Бога: «Боже Георгиев, помози ми, яко Ты еси Един Всесилен». Сего ради, похваляя твое высокое любомудрие и славное и мужественное исповедание Истины, Иже есть Господь наш Иисус Христос, зовем ти сице:

Радуйся, всем сердцем Истину Христову восприявшая!

Радуйся, всенародным исповедованием Ея запечатлевшая!

Радуйся, безумное идольское нечестие перед своим народом обличившая!

Радуйся, за то венец небесный восприявшая!

Радуйся, мученице славная, царице Александро!

Кондак 3

Сила Вышнего осени тя и благодать Духа Святаго проникла в сердце твое, мученице мужественная славная царице Александро, егда, видя вольное страдание и сланое исповедание истины великомученика Георгия, егоже не смогли поколебати ни мучения, ни прещения безумного мужа твоего, иже, яко аспид глухий, закрыша очи и заткнул еси уши своя, не желая ни видети, ни слышати истины, Иже есть Господь Иисус Христос, Ему же ты ныне с виновником спасения твоего Георгием в Царствии Того предстоя, всегда поеши сице: Аллилуйя!

Икос 3

Имуще сердце сострадательное и истине душу открытую, небоязненно ту исповедовала еси, мужественная царице Александро, за нее же мужественно суетной славы земной, почестей и царствия земного лишение, в темничныя узы заключение и самой жизни лишение мужественно претерпела еси, ныне в Царствии Небесном Царю всех предстоиши, за Него же мучения претерпела еси, сего ради вопием ти:

Радуйся, за истину мучения и жития лишение претерпевшая!

Радуйся, тленный венец царствия земного на нетленный без сомнения переменившая!

Радуйся, полк мученический своим в него прибытием вовек возвеселившая!

Радуйся, Священный Рим от тьмы нечестия к истине Христовой обратившая! Радуйся, мученице славная, царице Александро!

Кондак 4

Бурею злобных лукавых помышлений одержим, яко аспид глухий, не желающий ведети Истины, Иже есть Господь наш Иисус Христос, нечестивый император Диоклетиан в защиту языческого нечестия воздвиже гонения на христианы. Темже и верного раба своего храброго воина великомученика Георгия страшным злобным мукам со злобой велию предати повелел еси, и тебя, верную супругу свою, царицу Александру, прилюдно исповедавшую Истинного Бога, никако же пожалел еси, но в лютом ослеплении своем страшной смертной казни вместе с воином Георгием предал еси, не ведая пети: Аллилуйя!

Икос 4

Слыша о гонениях на христианы, славный великомученик Георгий нимало же убоялся еси, ниже смутился духом, но ревностью по Бозе распаляем Христа яко Истинного Бога и себя яко верного Того раба, пришедшего по своей воле свидетельствовати о Истине, Иже есть Господь наш Иисус Христос перед членами сената и самим императором исповедал еси. Сего славного свидетельства ради, видя чудеса, ради исповедания Георгиева Творцом всех чудес по молитвам того творимых множество народа в Истину увероваша и Христа яко истинного Бога исповедаша. И ты, мужественная царица Александро, Христа яко Воплощенную Истину пред всем народом премудро исповедала еси: «Боже Георгиев, помози мне, яко Ты Един всесилен». Сего ради прими от нас, недостойных, похвалы сия, поющих ти реша:

Радуйся, славным исповеданием Истины безумное заблуждение своего мужа обличившая!

Радуйся, тем славным исповеданием себя в служении Истине вовеки утвердившая!

Радуйся, царем земным и мужем нечестивым за Истину неправедно отверженная!

Радуйся, Царем царей Небесным за то с Отеческой любовию в Отечестве Небесном восприятая!

Радуйся, мученице славная, царице Александро!

Мученица царица Александра Римская. Икона, начало XX века

Кондак 5

Боготечной звезде подобно явися небоязненное исповедание Истины славного великомученика Георгия в древнем языческом Риме перед властями того являемое, да все вернии, вкупе с тобою, славною царицею Александрою, уведев сия, воспоют Христу яко Богу, лукавым сим миром Гонимому: Аллилуйя!

Икос 5

Видеша чудеса, всех царей Царем по молитвам раба своего славного воина и великомученика Георгия творимыя, ни убоялася еси, ниже смутилася духом, славная царице Александра, но трепетно и мудро сердце свое к восприятию Истины отверзла еси, до самыя мученическия смерти верность свою Той запечатлев. Сего ради прими от нас похвалы сия, вопиющих ти с любовью таковая:

Радуйся, от славного царского служения Царю Царей в служение восприятая!

Радуйся, порфиру царскую премужественно на ризу мученическую сменившая!

Радуйся, лишившись царского, но тленного венца, венцом нетленным царственным увенченная!

Радуйся, тем утверждением Рима как Царя царей Престола ввеки ставшая!

Радуйся, мученице славная, царице Александро!

Кондак 6

Проповедницы славныя милости Божия, в царстве ветхом языческом Римском являемое, быша все видевшие славное исповедание твое, мужественная царице Александро, яже, проповедавше всем Христа яко Бога, Иже Един всесилен, оставиша мужа твоего нечестивого царя Диоклетиана в жестокосердном добровольном ослеплении своем яко буесловна, не желающа ведети Истины, Иже еси Христос Гонимый, дабы пети Тому: Аллилуйя!

Икос 6

Возсиявый в ветхом языческом Риме славный исповедник Истины великомученик Победоносец Георгий, иже отгнал еси языческия идольския лжи тьму, идоли бо, в них же бесы живяше, не терпящии того исповедания, с велиим позором падоша и изгнаны быша, да все вернии, видяще сия, прославят Истинного Бога. Ты же, верная царице Александро, бегая бесовския тьмы обольщения, покоришася истине и склониша благородную выю свою перед Истиной – Творцом и Создателем всяческих. Сего ради, ублажая премудрость твою, вопием ти:

Радуйся, прелести идольския тьму обличившая!

Радуйся, Истине сердце открывшая!

Радуйся, всенародным тоя исповеданием в служении Истине вовеки себя утвердившая!

Радуйся, вседерзновенно своим исповеданием Путь в Царствие Истины верным открывшая!

Радуйся, мученице славная, царице Александро!

Кондак 7

Хотя от нынешнего сего века прелестного прейти в немеркнущее Царствие Истины, Иже есть Господь наш Иисус Христос, славный великомученик Победоносец Георгий не убояся, ниже смутился еси духом, но по слову вся Создавшего Словом вся имения своя нищим раздав, на мучения, яко на брачный пир, мужественно явился еси, поя всех Жениху, Ему же себя вовеки уневестила еси: Аллилуйя!

Икос 7

Новую тя показа славную исповедницу Истины Христос Бог наш, Иже есть Путь, Истина и Жизнь, о мужественная царице Александро, Иже по молитвам славного раба Своего великомученика Победоносца Георгия велия чудеса в ветхом в ослеплении своем заматеревшем языческом Риме преславно явил еси, ты, видев чудеса сия яко несомненное свидетельство Истины, блаженно Ту Истину в сердце своем восприявше, до самыя славныя мученическия смерти свое исповедание запечатлела еси. Сего ради воспеваем твое мужественное исповедание, вопиюще:

Радуйся, от языческого нечестия к истине сердце обратившая!

Радуйся, сердца верных тем возвеселившая!

Радуйся, небесное воинство собой преславно удивившая!

Радуйся, вовеки сердца верных римлян в Христе Боге утвердившая!

Радуйся, мученице славная, царице Александро!

Кондак 8

Странно и дивно бысть не токмо всем подданным Державы Римския, но и самому воинству Небесному преславное исповедание твое, о мужественная царице Александро: како от славного венца царствия земного ради истины Христовой отреклася еси, славу, честь, богатство, свободу и саму славную жизнь земную в богатых чертогах царских ни во что же вменив, на венец мученический вся сия ради Истины доброхотно пременила еси, Истину Христову перед законно преданным тебе народом Римским и самим мужем твоим беззаконным Истины гонителем Диоклетианом преславно исповедала еси, вопиюще Тому: Аллилуйя!

Икос 8

Всем бо сердцем твоим и славною душею твоею в горняя устремилася еси, о славная царице Александро, но и нижних никакоже оставила еси, ради ближних клеврет и подданных своих Истину Христову преславно исповедала еси, неправедно царского венца лишенная, в Царствии Небесном преславный нетленный венец восприяла еси. Сего ради слышиши от нас сия:

Радуйся, от всей души и разумения свое сердце к Богу устремившая!

Радуйся, от благ житейских тленных сердце отвратившая!

Радуйся, яко благ нетленных в Царствии Небесном ныне непрестанно наслаждаешися!

Радуйся, и нам, меньшим братиям твоим, этих благ сподобитися Царя царей усердно умоляеши!

Радуйся, мученице славная, царице Александро!

Кондак 9

Всякое естество ангельское удивися твоему славному исповеданию, блаженная царице Александро: како безумной царской власти прещений не убоявся, Царю царей, Имже цари царствуют и дается всякая власть человекам, дивное премудрое послушание явилала еси, от тленного Римского царствия отрешився, Царствие Небесное преславно наследовала еси, славу земную тленную премудро оттрясши, славу небесную вечную восприяла еси, идеже ныне в сиянии вечныя славы Царю Славы вовеки поеши: Аллилуйя!

Икос 9

Ветия многовещанныя, яко рыбы безгласныя, зрим о тебе, славная царице Александро, недоумеют бо, како по долгу восхвалити подвиг твой и преславное исповедание твое, мученице премудрая Христова, мы же, дивяся мужественной мудрости твоей, верно вопием ти:

Радуйся, своим мужественным исповеданием всех граждан Рима удивившая!

Радуйся, от идольского тьмы нечестия сердца всех верных отвратившая!

Радуйся, бывший капищем языческим Рим Ветхий Небеса стяжати устремившая!

Радуйся, все воинство Небесное преславным исповеданием своим возвеселившая!

Радуйся, мученице славная, царице Александро!

Кондак 10

Спасти хотя Рим, в древнем языческом идолопоклонстве погрязший, всех Творец и Владыка послал еси славных исповедник своих, проповедующих имя Того Святое и славное спасительное учение Его. Среди них и славный великомученик и Победоносец Георгий чудесами своими преславно просиял еси, к исповеданию Истины подвигая всех верных, среди них же и жена нечестивого гонителя истины славная исповедница царица Александра такоже просияла еси, Творцу и Создателю всех поя вкупе с Победоносцем Георгием победную песнь: Аллилуйя!

Икос 10

Стена еси всем истине служити хотящим и к помощи твоея прибегающим, славная исповеднице Христова верная царице Александро, ибо Царь царей и всех творец и Владыка избра тебя в славную исповедницу Истины, Иже есть Господь наш Иисус Христос, Иже приглашати тебе научи:

Радуйся, славная служительнице Истины и исповеднице Христова!

Радуйся, всем служащим Истине и за правду терпящим преславная помощнице!

Радуйся, неправедных гонителей пред Богом обличительнице!

Радуйся, у властей земных стяжати милости отчаявшихся верных покровительнице!

Радуйся, мученице славная, царице Александро!

Кондак 11

Пение тебе с небеси надлежит быти приносимо, а не от земли, мученице славная, мужественная исповеднице царице Александро: како, царицей славною по праву быв, от звания царского и самой жизни преславно отреклася еси, царские чертоги на темницу мрачную, жизнь преславную на исповедание мученическое сменив, темже венец царствия Рима тленного на венец неувядаемый Царствия Небесного Иерусалима преславно сменила еси, идеже Царю царей вовеки вопиеши: Аллилуйя!

Икос 11

Светозарную свещу, во мраке царствия языческого Рима ветхого заката сущую, зрим тебя, о мученице славная и исповеднице пречудная царице Александро, иже наставляет к разуму Божественному вся, во мраке жития сего сущих, зарею света Царя всех просвещающая, сего ради по праву званиями почитаемая сими:

Радуйся, истины Христовой светом разум просвещающая!

Радуйся, путь к Царствию Небесному всем верным освещающая!

Радуйся, не тленного, земного, а Небесного искати вразумляющая!

Радуйся, в истине Христовой начало и конец всех смыслов полагающая!

Радуйся, мученице славная, царице Александро!

Кондак 12

Благодати источник неисчерпаемый яви тебя всех благодати Податель, о мученице славная премудрая царице Александро: воистину бо защитницей славной народа своего явилася еси, утверждая всех верных житием своим в Истине Царя и Бога нашего, Иже слышит о тебе: Аллилуйя!

Икос 12

Поем ныне милость всех Царя – Творца и Бога нашего, Иже яви тебя славную премудрую исповедницу Свою, вразумив, на Путь Истины Своея наставив и научи вопити тебе всех:

Радуйся, царице славная, служительнице всех Царя!

Радуйся, яко воистину защитницей всех верных перед Царем царей являешися!

Радуйся, яко в честь имени твоего святого в мире христианском храмы и дщери верных нарицаются!

Радуйся, яко народу русскому защитницу — царицу, именем твоим по праву нареченною, Царь царей преславно возвеличил еси!

Радуйся, мученице славная, царице Александро!

Кондак 13

О, священная жено, мученице славная и исповеднице мужественнейшая чудесная царице Александро! Нынешнее наше прими приношение, от убожества нашего тебе творимое, не возгнушайся немощей, грехов и малодушия нашего, но избави нас от всякия напасти в мире сем, прелюбодейном и грешном, егоже преславно в житии твоем отрешилася еси, а наипаче будущия вечныя изыми муки и сподоби Царю всех, Ему же ныне ты престоиши, вкупе с тобою вовеки воспевати: Аллилуйя!

Этот кондак читается трижды, по сем 1-й икос Ангелов и человеков Творец и Создатель… и 1-й кондак Избранней от рода царского…

Молитва святому царю мученику Николаю

О святый страстотерпче царю мучениче Николае, Помазаника Своего тя Господь избра, во еже милостивно и право судити людем твоим и хранителю царства православнаго быти. Царское служение сие и о душах попечение со страхом Божиим совершил еси. Испытуя же тя, яко злато в горниле, скорби горькия Господь ти попусти, якоже Иову многострадальному последи же престола царскаго лишение и мученическую смерть посла ти. Вся сия кротко претерпевый, яко истинный раб Христов, наслаждаешися ныне вьшния славы у престола всех Царя, купно со святыми мученики: святою царицею Александрою, святым отроком царевичем Алексием, царевнами Ольгою, Татианою, Мариею и Анастасиею и с верными слуги твоими, также со святой мученицею княгинею Елисаветою и со всеми царственными мученики и святою мученицею Варварою.

Но яко имея дерзновение велие у Христа Царя, Его же ради вси пострадаша, моли с ними, да отпустит Господь грех народа, не возбранившаго убиение твое, царя и Помазанника Божия, да избавит Господь страждущую страну Российскую от лютых безбожник, за грехи наша и отступление от Бога попущенных, и возставит престол православных царей, нам же подаст грехов прощение, и на всякую добродетель наставит нас, да стяжим смирение, кротость и любовь, яже сии мученицы явиша, да сподобимся Небеснаго Царствия, идеже купно с тобою и всеми святыми новомученики и исповедники Российскими прославим Отца и Сына и Святаго Духа, ныне и присно и во веки веков. Аминь.

Молитвы святой мученице царице Александре Римской

Царства земнаго славу презревши, Единаго Христа, нас ради распятаго, возлюбила еси и, Того мужественне исповедающи, венцем мученическим увенчалася еси, всеблаженная царице Александре. Темже и ныне Престолу Царя славы на Небесех предстоящи, молися о спасении душ наших.

Молитва первая святой мученице Александре Римской о помощи в преодолении искушений, при гонениях

О, священная жено, мужественнейшая исповеднице и преславная людей защитнице славная царице Александро! Милостиво призри на нас, подданных верных твоих, от земного жития сего, скверного, прелюбодейного и грешного, его преславно в житии твоем отреклася еси, малое сие моление тебе приносящих! Не возгнушайся греховных язв, а наипаче малодушия нас, грешных раб твоих, к падшему миру сему привлаченных! Умоли Господа нашего Иисуса Христа, просветити разум наш светом истины и любви Христовой и Тому Одному служити. Сподвигни на молитву о нас, недостойных и грешных, славного великомученика Георгия Победоносца, с нимже ты Царю всех предстоиши, и буди вкупе с ним славной защитницей нашей, да славной вашей помощью охраняемы, сподобимся избежати всех бед и напастей лукавого жития сего и тако, сетей его избежав, достигнути тихой гавани спасения нашего и вкупе с вами вовеки славити неизреченной милосердие Царя и Создателя нашего во веки веков. Аминь.

Молитва вторая святой мученице Александре Римской о даровании крепкой веры

О святая мученице царице Александре, о возлюбившая Господа от всего сердца твоего, и от всея души твоея, и всею крепостию твоею и всем помышлением твоим! Вемы, яко младенца тя сущу страданием венча Христос матери ти умершей: помолися о чадех наших, матерей лишенных, матерьми оставленных, матерьми убиенных. Вемы, яко Жениха ради Небеснаго готова была еси отвергнути жениха царственнаго: помолися об отроковицах и отроцех наших, да не изберут скотскую пишу, ценою души купованную. Вемы, яко возненавидено была еси ближними от венца брачнаго: помолися о юных женах, в домы мужей входящих. Вемы, яко неугодны были суть чада твоя, дондеже наследник не родися: помолися о женах, в долгонедужии сущих. Вемы, яко чадо молитвы, чадо веры твоея, сын и наследник, неисцельно болен явился есть: помолися не быти оставленным и болящим младенцем страны твоея. О избранная крестонесице Христова чрез все житие твое, возлюбившая народ твой паче себе: возжелевшая паче умрети, неже оставити страну твою: разделившая мученический венец с помазанником Божиим: умоли Бога твоего, да не отступим от Него в час посещения нашего, да верны пребудем Христу кийждо на месте своем, да внидем в Царство, идеже ты солнечная луча еси Солнца Правды, Христа Бога нашего, в Троице Славимаго. Аминь.

Акафист мученице царице Александре

Кондак 1
Избранная Помазанником Божиим в царицу и матерь народу своему, аще и недостойнии, похвальная восписуем ти, о страстотерпице, но яко имущи вино и елей и злато любве твоея, обрати нас воистину быти яко дети, да внидем в Царство Небесное поюще: Радуйся, милосердая царице Александре Новая, страданьми твоими струпы греховныя наши обязующая.

Икос 1
Ангелу подобный послан бысть православный царевич рещи тебе: Радуйся! И аще и слезы точаста очи твоя доселе, абие престаста, глаголющу ему: Радуйся, еюже православное бла-гочестие возсияет. Радуйся, еюже лютое нечестие померкнет. Радуйся, материнства и отцовства издетска обнищавшая. Радуйся, детски Россию во отечество и родину вменившая. Радуйся, в дом Пречистой входящая. Радуйся, из рук ея чада русския приемлющая. Радуйся, в сиротстве твоем ныне Материю Божиею восприемлемая. Радуйся, Феодоровской Владычице посвященная. Радуйся, прежде трубы последней новое имя стяжавшая. Радуйся, яко именем твоим людие Христовы защиту обретают. Радуйся, яко верова Богу в Помазаннице его. Радуйся, яко вменися ти в правду сие. Радуйся, милосердая царице Александре новая, страданьми твоими струпы греховныя наша обязующая.

Кондак 2
Видящи святая себе в вере иной, глаголет царевичу исповеднически: не можно есть человека предпочести Богу, како смогу любовь Христову любве ради твоея отринути? Како забуду Бога отец моих? Аще предам Христа, и твоя изгибнет любы. Сей же, узрев веру сию, умиленно взываше: Аллилуиа.

Икос 2
Разум недоразумеваемый разумети из тьмы люторства ищущи, плакася горько святая. Но яко един от древних, на них же взирающе во свидетельстве их, людие, звери и камение славляху Христа, глаголет царевич, яко любы его — икона любве Христовой, яко паче взыскует Бог православия ея, неже уневещения, с симже и мы зовем сице: Радуйся, исходящи от земли твоея. Радуйся, яко восходиши в дом Отца твоего, иже на Небесех. Радуйся, лучою солнечною во отечестве именованная. Радуйся, яко к Солнцу Правды присно обращенне лучи сия. Радуйся, любомудрием известная. Радуйся, мудрость любовию о Христе свидетельствовавшая. Радуйся, Реввекины десять дний пождания поминавшая. Радуйся, яко новый Исаак сей десять лет не устал есть ждати тебе. Радуйся, зрящи Иакова четыренадесять лет Рахили работавшаго. Радуйся, яко жених твой десятолетним терпением стяжал есть душу твою. Радуйся, яко сей, тебе взыскуя, весь мир прешел есть. Радуйся, яко начавшися тобою странствие сие в тебе кончину имело есть. Радуйся, милосердая царице Александре новая, страданьми твоими струпы греховныя наша обязующая.

Кондак 3
Сила Вышняго осени тогда к смирению царицу риторов премудршую, в мужи Бога боятися наущающи, всем же сеющим в смирении жати спасение обещающи, внегда пети сице: Аллилуиа.

Икос 3
Имущи в мире глубоце святая совесть свою, востече ко Елисавети. Сестра же сия большая, матере место заступающи, сице благословляше ю: Радуйся, дар многоценный царевичев прежде возвратившая. Радуйся, благим царевичевым царевича предпочетшая. Радуйся, аще и клятву носиши в крови твоей. Радуйся, яко клятва сия кровию о Христе излиянною благословением миру дадеся. Радуйся, прежде рождения сына тайну его в смерти брата познавшая. Радуйся, страх клятвенный на любовь в послушании Богу пременившая. Радуйся, тремя странами присвояемая. Радуйся, всему миру чужестранная. Радуйся, на царстве юродою сущая. Радуйся, юродством Царство Небесное стяжавшая. Радуйся, глаголющая избраннику Божию: буди мне по глаголу твоему. Радуйся, ныне ведящая любовь Божию крепльшую смерти. Радуйся, милосердая царице Александре новая, страданьми твоими струпы греховныя наша обязующая.

Кондак 4
Бурю внутрь имеющи помышлений сумнительных, целомудренная смятеся, мучеников веры поминающи, но сретающи взгляд цесаревича, небо узре отверсто, и мир предвечный, и тишину иную, тем же со страхом в молчании взывала есть: Аллилуиа.

Икос 4
Слышавше пастырей российских, глаголющих тя благочестивейшею, не усомнимся в Церкви, иже не имать льсти во устех своих, крепце веруем, яко ты, о царице, воистину благую часть избра, еяже, помолися, не лишитися и нам, да отверзем уста во еже пети ти: Радуйся, разума Христа ради совлекшаяся. Радуйся, в Царство Небесное вшедшая. Радуйся, плачущая сыном за грехи народа русскаго. Радуйся, матерей русских в скорби утешающая. Радуйся, кротце народ отрекшийся простившая. Радуйся, землю кротких наследовавшая. Радуйся, правды Христовой алкавшая. Радуйся, истее причащающаяся в невечернем дни Царствия Христова. Радуйся, возложением руку твоею на болящих милость царскую подававшая. Радуйся, яко елея милости твоея до полунощи достанет нам. Радуйся, яко избыток сердца твоего в пяти чистейших чадех твоих. Радуйся, чистейший крин во дворех Бога нашего. Радуйся, милосердая царице Александре новая, страданьми твоими струпы греховныя наша обязующая.

Кондак 5
Боготечную звезду во мгле времени последняго зрим тя, святая царице, новаго дне невечерняго зарю предблистающую нам: несть во дни сем еллин, ни иудей, но вся и во всех Христос. Тако дивящеся тебе, пришелице сущей, превозшедшей православием Русь Святую, Богу поем: Аллилуиа.

Икос 5
Видяще отроцы Христовы на руку твоею царственнаго страдальца Алексия, и владыку Новой России разумевающе сего, аще и в немощи его слава Божия совершается, сице потщахуся песньми служити тебе: Радуйся, яко Владычица Державная на тебе указует. Радуйся, яко Предвечный Младенец державу тебе возвращает. Радуйся, яко аще и Бог Сый, но без Матере не может вочеловечитися. Радуйся, яко сын твой присно державствует во местоблюстительстве твоем. Радуйся, указующая, яко материнство во Дусе Святе спасает мир. Радуйся, самодержавие семьи про-рочествующая. Радуйся, семьи во Христе охранительнице. Радуйся, блудныя сватовства разрушающая. Радуйся, болящих младенцев целительнице. Радуйся, израненных ратников окормительнице. Радуйся, в ратных трудех чад сохраняющая. Радуйся, неврежденных сих молящимся матерем возвращающая. Радуйся, милосердая царице Александре новая, страданьми твоими греховныя струны наша обязующая.

Кондак 6
Проповедницы Богоноснии бывше десять тем воев русских во тьме и сени смертней сидящим народом востока крайняго, целокупно восприимше сына твоего от купели, о царице, Богу единомысленно восклицаша: Аллилуиа.

Икос 6
Возсиявый России надежду примирения в Бозе, отроча родися нам, сын, и дадеся нам, отца державнаго подвизая ко иночеству, матерь святую призывая явити на свещнице престола добродетель свою, нам же предлагая пети о ней: Радуйся, десять тем мучеников долга в восприемники сыну зовущая. Радуйся, кровию сына твоего сим сострадавшая. Радуйся, имение царское увечным ратником разделившая. Радуйся, во врачебнице Христа посетившая. Радуйся, тьмою дарований Господа обязавшая. Радуйся, руце твоя в смрадныя раны простиравшая. Радуйся, ангелом подобно, смрад-ных мытарей отгоняющая. Радуйся, яко одежды твоя страдания облегчаша. Радуйся, яко Христа во вдовицах нагих и сиротах ратников одевавшая. Радуйся, тайно гробы ратных страдальцев посещавшая. Радуйся, умершая для празднеств иродовых. Радуйся, сестрою милосердия народу твоему явленная. Радуйся, милосердая царице Александре новая, страданьми твоими струпы греховныя наша обязующая.

Кондак 7
Хотящей старице Марии новгородской от нынешняго века престави-тися прелестнаго, крестное пророчество и плод райский от нея прияла еси, о страстотерпице, сия же, небесную лепоту славы твоея мученическия прозревающи, верою и любовию вопияла есть: Аллилуиа.

Икос 7
Новую показа тя мученицу Александру преподобный Серафим, новую общину девичию в дщерех твоих созидая. Мы же видяще тя, о царице, волами источника саровскаго покрываемую, со умилением зовем ти: Радуйся, древляго благочестия ревнительнице. Радуйся, ветхих святынь почитательнице. Радуйся, двема старицами на страдания благословленная. Радуйся, купно со святою сестрою два храма Бога Живаго нам являющия. Радуйся, крещением Саровским новое крещение Руси прорицающая. Радуйся, западной тли Русь сво-бождающая. Радуйся, Духа Свята молитвами Серафима сподобляющаяся. Радуйся, Духа целомудрия, сми-ренномудрия, терпения и любве струи источающая. Радуйся, мужа лишитися ради Христа готовая. Радуйся, яко тебе сие авраамски вменилося есть. Радуйся, новая послушница Серафимова. Радуйся, яко тобою спасутся тысящи. Радуйся, милосердая царице Алек-сандре новая, страданьми твоими греховныя струпы наша обязующая.

Кондак 8
Странное рождество сына твоего видяще, устранимся мира, ум на небеса преложше: како сие чадо молитвы, благословение Серафимово, неисцельно болящим является? Аще ли не глаголет отцу народа русскаго, яко чада его неисцельно больны суть? Но и в сей скорбней тайне благодарим Бога, поюще: Аллилуиа.

Икос 8
Весь бе в вышних, но и нижних никакоже отступи сын твой, о мати, еяже душу на всякое время и на всякий час проходит оружие: како наследник державы великия носим есть рукама меньшаго раба: како во участии народнем повсечасно нужду имел есть: указуя, яко не может без народа царь, указуя, яко не может без царя народ, ты же, утешающи народ сыном твоим, слышиши от всех сице: Радуйся, яко держай на руку твоею покоился есть. Радуйся, днесь молящи его простити наши грехи. Радуйся, яко сын твой воистину глава народу своему. Радуйся, яко телесем от главы своея неотъемлемым народ сей зрится. Радуйся, яко сын твой присно питаем пищею ратников простых. Радуйся, яко народ твой спасется токмо причастием страданий сына твоего. Радуйся, оправданная кротости ю сына твоего. Радуйся, всеми зримая во смирении сына твоего. Радуйся, яко страдания его лепота души твоея. Радуйся, яко в мучениех его расширяется сердце твое. Радуйся, аще и дни его мали и исполнены лютых скорбей. Радуйся, яко скорби сия златом, ливаном и смирною Предвечному Младенцу принесены суть. Радуйся, милосердая царице Александре новая, страданьми твоими греховные струпы наши обязующая.

Кондак 9
Всякое естество ангельское удивися великому твоего милосердия делу: неприступную, яко царицу, зряще гнойным, смрадным, в мале живым сущим приступну, яко милосердую сестру, юже епископ некий материю милосердия нарекл есть, славя Создавшаго ю: Аллилуиа.

Икос 9
Ветия многовещанныя, яко льстивыя змии, лжу вливающии во слухи народныя, видим о тебе, страстотерпице. Мы же зрим едину от клеврет твоих, иверскую княжну, иже надолзе умирающи, за все славяще Бога молитвами твоими, о царице. С оною же и мы поем: Радуйся, вверившаяся токмо Божию попечению. Радуйся, всякое попечение отложши суетное. Радуйся, в тайне смерти любовь Божию созерцающи. Радуйся, судеб Божиих тайнозрительнице. Радуйся, сердце твое вертоград Божий содеявающая. Радуйся, яко в сердце твоем Христос главу преклони. Радуйся, от избытка сердца твоего подающая и требующим. Радуйся, яко сердце твое обитель Святыя Троицы есть. Радуйся, выну возгревавшая дар Божий, живущий в тебе. Радуйся, в новом отечестве твоем истинным даром Божиим явившаяся. Радуйся, яко царица сущи, явися аки служащая. Радуйся, Умывшему нозе рабом своим послужившая добре. Радуйся, милосердая царице Александро новая, страданьми твоими греховные струпы наши обязующая.

Кондак 10
Спасти хотящи Рим Третий, якоже собирает кокош птенцы своя под криле, влающийся изменою кораблец русский кормила еси. Людие же твои соглядатаю тя нарекоша, не ведяще, яко истинно соглядатая Царства Небеснаго ты была еси: сошед убо узрю, аще по воплю содомскому грядущему ко мне совершаются: очами твои-ми соглядал Сый Христос новый содом, тебе поющей в скорбех: Аллилуиа.

Икос 10
Стена и забрало еси по имени твоему, страстотерпице святая Александро, степень неколеблемый лествицы к Небеси, отнюдуже отверзаются пажити Христовы, мы же, тщащеся утвердитися на степени сей, вопием ти: Радуйся, защитнице российская. Радуйся, защитнице плененных. Радуйся, защитнице ратная. Радуйся, защитнице детская. Радуйся, защитнице девства. Радуйся, защитнице брачная. Радуйся, защитнице послушествующих. Радуйся, защитнице монашествующих. Радуйся, защитнице оклеветанных. Радуйся, защитнице долго болящих. Радуйся, защитнице немощных в старости. Радуйся, защитнице беззащитных. Радуйся, милосердая царице Александро новая, страданьми твоими струпы греховныя наша обязующая.

Кондак 11
Пение всякое побеждается, вместити тщащееся скорбь твою, егда на посланиих твоих государю твоему русские люди писаша: «Не вемы, где есть сей». Что убо рцем вси от всея души и от всего покаяния нашего Богу, в долготерпении прославляющу тя, токмо: Аллилуиа.

Икос 11
Светоприемную свещу сущим во тьме болящим чадом твоим зрим тя, о страстотерпице: егда дух праздности обуял Русь Святую, солнце не даде света своего в сокровищницах ваших за ужас отречения от Бога народа русскаго. Мы же, аще и слепорожденни суть, чаем узрети очами вашими великия и богатыя милости, хвалу устен возносяще: Радуйся, яко ты свет миру еси. Радуйся, яко ты прозираеши духовно слепотствующих. Радуйся, яко ты еси упование безнадежных. Радуйся, яко ты еси покой послушных. Радуйся, верная России в Бозе даже до смерти. Радуйся, подающая верным венец живота. Радуйся, научившаяся кротости и смирению сердца. Радуйся, обретшая покой душам нашим. Радуйся, навыкшая, в них же еси, довольна быти. Радуйся, удовляющая просящих тя. Радуйся, в неутешных скорбех утешенная. Радуйся, утешающая скорбящих. Радуйся, милосердая царице Александро новая, страданьми твоими греховныя струпы наша обязующая.

Кондак 12
Благодать дати восхотевши народу своему, егда вси людие русскии сокрыша таланты, Богом данные, от Божия Помазанника, тогда тьму талант ты, о царице, со царственным супругом твоим иждила еси на ратников увечных, темже самей ти, в заключении сущей, благословися нужду терпети, славящей Христа во обстояниех: Аллилуиа.

Икос 12
Поюще житие твое и страдания твоя, о царице, хвалим тя вси, целомудрия источниче: ни едино от чад твоих потеряно бысть для Царства Небеснаго: како в содоме новом девства телеснаго и духовнаго дивный цветник насадила еси, его же воня есть Христовым людем в живот вечный, содомляном же в вечное жжение, его же избави нас, да поем ти: Радуйся, еяже слава вся внутрь и доныне. Радуйся, яко желает Царь доброты твоея. Радуйся, яко ведутся девы вослед тебе. Радуйся, предстоящая одесную Христа. Радуйся, Богу выну преклоняющая ухо твое. Радуйся, яко ныне в ризах позлащенных одеяна. Радуйся, исходящая в сретение Жениху. Радуйся, имущая светильник горя-щий. Радуйся, не могущая укрытися верху горы стоящи. Радуйся, имущая елей в пяти сосудех твоих. Радуйся, яко тобою нощь России преста и день приближается. Радуйся, яко тобою Свет Христов просвещает всех. Радуйся, милосердая царице Александро новая, страданьми твоими греховные струны наши обязующая.

Кондак 13
О святая мученице царице Александро новая! Егда народ твой схождаше от Руси Святей в Вавилон, в разбойники впаде, ты, о мати милосердия, елеем благотворений и вином церковных торжеств умащала еси его. Паче же и на рамена отроковиц твоих возложи тяжкия раны греховныя наша подъяти, и все имение семьи твоей иждила еси в тяжкой брани с народом милосердием твоим гнушающимся. Обаче добрая самаряныня сущи, приведи нас ко кладезю Живота Вечнаго, да не жаждем во век, Богу зовуще: Аллилуиа.

(Этот кондак читается трижды, затем икос 1 и кондак 1)