Утренние и вечерние молитвы толкование

Молитвы утренние и вечерние

Утром, вставши от сна, еще на постели, перекрестись с молитвою: Господи, Исусе Христе, Сыне Божии, помилуй мя грешнаго.

Вставши с постели и умыв лице свое, а вечером, отходя ко сну, встань с благоговением пред святыми иконами и, взирая на них, мысль свою устремляя к невидимому Богу и его святым, истово, не спеша, ограждая себя крестным знамением и кланяясь, произноси с умилением молитву мытаря:

Боже, милостив буди мне грешному (поклон). Создавыи мя, Господи, и помилуй мя (поклон). Без числа согреших, Господи, помилуй и прости мя, грешнаго (поклон).

Достойно есть, яко воистину блажити Тя Богородице, присно блаженную и пренепорочную, и Матерь Бога нашего. Честнейшую херувим и славнейшую воистину серафим, без истления Бога Слова рождьшую, сущую Богородицу, Тя величаем (поклон всегда земной).

Слава Отцу и Сыну и Святому Духу (поклон). И ныне и присно и во веки веком, аминь (поклон).

Господи помилуй, Господи помилуй, Господи благослови (поклон).

Господи, Исусе Христе, Сыне Божии, молитв ради Пречистыя Твоея Матере, силою Честнаго и Животворящаго Креста, и святаго Ангела моего хранителя, и всех ради святых, помилуй и спаси мя грешнаго, яко Благ и Человеколюбец. Аминь. (поклон земной, без крестнаго знамения).

Эти молитвы называются «началом» или «приходными и исходными поклонами» потому, что они совершаются в начале и после всякого молитвенного правила.

После этого повтори молитву мытаря с поклонами:

Боже, милостив буди мне грешному (поклон). Создавыи мя, Господи, и помилуй мя (поклон). Без числа согреших, Господи, помилуй и прости мя грешнаго (поклон).

И с благоговением начинай утренние молитвы.

За молитв святых отец наших, Господи Исусе Христе, Сыне Божии, помилуй нас. Аминь (поклон всегда поясной). Перекрестись и говори трижды:

Слава Тебе, Боже наш, слава Тебе всяческих ради.

Далее: Боже, очисти мя грешнаго, яко николиже благо сотворих пред Тобою (поклон), но избави мя от лукаваго, и да будет во мне воля Твоя (поклон), да неосужденно отверзу уста моя недостойная и восхвалю имя Твое святое: Отца и Сына и Святаго Духа, ныне и присно и во веки веком. Аминь (поклон).

Обведенные чертой молитвы вечером не читаются.

Далее перекрестись и читай:

Царю небесныи, Утешителю, Душе истинныи, Иже везде сыи и вся исполняя, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, душа наша.

Святыи Боже, Святыи Крепкии, Святыи Безсмертныи, помилуй нас (трижды с поклонами). Слава Отцу и Сыну и Святому Духу, и ныне и присно и во веки веком. Аминь. Пресвятая Троице, помилуй нас. Господи, очисти грехи наша. Владыко, прости беззакония наша. Святыи, посети и исцели немощи наша, Имене Твоего ради. Господи помилуй (трижды). Слава Отцу и Сыну и Святому Духу, и ныне и присно и во веки веком. Аминь. Отче наш, Иже еси на небесех, да святится имя Твое, да приидет царствие Твое, да будет воля Твоя, яко на небеси и на земли. Хлеб наш насущныи даждь нам днесь. И остави нам долги наша, яко же и мы оставляем должником нашим. И не введи нас во искушение, но избави нас от лукаваго. Господи Исусе Христе Сыне Божии, помилуй нас. Аминь. Господи помилуй (12 раз).

Если утро — читается:

От сна востав, благодарю Тя, Всесвятая Троице, яко многия ради благости и долготерпения не прогневася на мя грешнаго и лениваго раба Твоего, и не погубил еси мене со беззаконии моими, но человеколюбствова. И в нечаянии лежаща, воздвиже мя утреневати и славословити державу Твою непобедимую. И ныне, Владыко, Боже Пресвятыи, просвети очи сердца моего и отверзи ми устне поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем. Воспевати же и славити пречестное и великолепое имя Твое: Отца и Сына и Святаго Духа, ныне и присно и во веки веком. Аминь.

Слава Отцу и Сыну и Святому Духу. И ныне, и присно, и во веки веком. Аминь.

Далее, как утром, так и вечером, читай:

Приидите, поклонимся Цареви нашему Богу (поклон). Приидите, поклонимся Христу, Цареви и Богу нашему (поклон). Приидите, поклонимся и припадем к самому Господу Исусу Христу, Цареви и Богу нашему (поклон).

ПСАЛОМ 50 (покаянный)

Ограждая себя благоговейно крестным знамением, произносим СИМВОЛ ВЕРЫ — слова святых отец Первого и Второго Вселенского собора (крестное знамение без поклона):

Верую во единаго Бога Отца Вседержителя, Творца небу и земли, видимым же всем и невидимым. И во единаго Господа, Исуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рождена, а не сотворена, единосущна Отцу, Им же вся быша. Нас ради человек, и нашего ради спасения сшедшаго с небес, и воплотившагося от Духа Свята и Марии Девы вочеловечшася. Распятаго за ны при Понтийстем Пилате, страдавша и погребенна. И воскресшаго в третии день по писаниих. И возшедшаго на небеса, и седяща одесную Отца. И паки грядущаго со славою судити живым и мертвым, Его же царствию несть конца. И в Духа Святаго, Господа истиннаго и Животворящаго, Иже от Отца исходящаго, иже со Отцем и Сыном споклоняема и сславима, глаголавшаго пророки. И во едину святую соборную и апостольскую Церковь. Исповедую едино Крещение во оставление грехов. Чаю воскресения мертвым. И жизни будущаго века. Аминь.

Богородице Дево, радуися, обрадованная Марие, Господь с Тобою, благословенна Ты в женах и благословен Плод чрева Твоего, яко родила еси Христа Спаса, Избавителя душам нашим (с поклонами трижды).

О! Всепетая Мати, рождьшая всех святых святейшее Слово, нынешнее приношение приемши, от всякия напасти избави всех, и грядущия изми муки, вопиющия Ти: Аллилуия (трижды, с поклонами земными).

Непобедимая и божественная сила честнаго и животворящаго Креста Господня, не остави мя грешнаго, уповающаго на Тя (поклон). Пресвятая Владычице моя Богородице, помилуй мя, и спаси мя, и помози ми ныне, в жизни сей, и во исход души моея, и в будущем веце (поклон). Вся небесныя силы, святии ангели и архангели, херувими и серафими, помилуйте мя, и помолитеся о мне грешнем ко Господу Богу, и помозите ми ныне, в жизни сей, и во исход души моея, и в будущем веце (поклон). Ангеле Христов, хранителю мой святыи, помилуй мя и помолися о мне грешнем ко Господу Богу, и помози ми ныне, в жизни сей, и во исход души моея, и в будущем веце (поклон). Святыи великии Иоанне, пророче и Предотече Господень, помилуй мя, и помолися о мне грешнем ко Господу Богу, и помози ми ныне, в жизни сей, и во исход души моея, и в будущем веце (поклон). Святии славнии апостоли, пророцы и мученицы, святителие, преподобнии и праведнии и вси святии, помилуйте мя, и помолитеся о мне грешнем ко Господу Богу, и помозите ми ныне, в жизни сей, и во исход души моея, и в будущем веце (поклон).

После сего молись по три раза с поклонами следующие молитвы.

Пресвятая Троице Боже наш, слава Тебе. Господи Исусе Христе, Сыне Божии, помилуй мя грешнаго. Слава, Господи, Кресту Твоему Честному. Пресвятая Госпоже Богородице, спаси мя грешнаго раба Твоего. Ангеле Христов, хранителю мой святыи, спаси мя грешнаго раба Твоего. Святии архангели и ангели, молите Бога о мне грешнем. Святыи великии Иоанне, пророче и Предотече, Крестителю Господень, моли Бога о мне грешнем. Святыи славныи пророче Илие, моли Бога о мне грешнем. Святии праотцы, молите Бога о мне грешнем. Святии пророцы, молите Бога о мне грешнем. Святии апостоли, молите Бога о мне грешнем. Святии славнии апостоли и евангелисти: Матфее, Марко, Луко и Иоанне Богослове, молите Бога о мне грешнем. Святии славнии верховнии апостоли Петре и Павле, молите Бога о мне грешнем. Святии велиции трие святителие: Василие Великии, Григорие Богослове и Иоанне Златоусте, молите Бога о мне грешнем. Святителю Христов Николае, моли Бога о мне грешнем. Преподобныи отче Сергие, моли Бога о мне грешнем. Святыи священномучениче и исповедниче Аввакуме, моли Бога о мне грешнем. Святителю Христов и исповедниче Амвросие, моли Бога о мне грешнем. Преподобнии и богоноснии отцы наши, пастырие и учителие вселенней, молите Бога о мне грешнем. Святии вси, молите Бога о мне грешнем.

После этого помолись святому, имя которого носишь, и святому, празднуемому этого числа, также и другим святым, кому хочешь. Не забудь помолиться и епитимию, какие поклоны имеешь от духовного отца.

Потом молись о здравии правящего епископа, духовного отца, родителей, родственников и близких, по три раза произнося с поклонами о здравии и о спасении:

Милостиве Господи, спаси и помилуй раб Своих (поклон) (называй имена, за кого молишься). Избави их от всякия скорби, гнева и нужды (поклон). От всякия болезни душевныя и телесныя (поклон). И прости им всякое согрешение, вольное и невольное (поклон). И душам нашим полезная сотвори (поклон).

Потом помолись за упокой духовных отцов, родителей и близких, и за кого имеешь усердие, по три раза произнося с поклонами:

Покой, Господи, душа усопших раб Твоих (поклон) (называй имена, за кого молишься). И елика в житии сем яко человецы согрешиша, Ты же, яко Человеколюбец Бог, прости их и помилуй (поклон). Вечныя муки избави (поклон). Небесному царствию причастники учини (поклон). И душам нашим полезная сотвори (поклон).

Заканчивая молитвы, говори:

Господи, или словом, или делом, или помышлением согреших во всей жизни моей, помилуй мя и прости мя, милости Твоея ради (поклон земной). Все упование мое к Тебе возлагаю, Мати Божия, сохрани мя во Своем си крове (поклон земной). Упование ми Бог, и прибежище мое Христос, и покровитель ми есть Дух Святыи (поклон земной).

Достойно есть, яко воистину блажити Тя Богородице, присно блаженную и пренепорочную, и Матерь Бога нашего. Честнейшую херувим и славнейшую воистину серафим, без истления Бога Слова рождьшую, сущую Богородицу, Тя величаем (поклон всегда земной).

Слава Отцу и Сыну и Святому Духу (поклон). И ныне и присно и во веки веком, аминь (поклон). Господи помилуй, Господи помилуй, Господи благослови (поклон).

И отпуст:

Господи, Исусе Христе, Сыне Божии, молитв ради Пречистыя Твоея Матере и преподобных и богоносных отец наших и всех святых, помилуй и спаси мя грешнаго, яко Благ и Человеколюбец. Аминь.

И, наклонившись до земли, без осенения себя крестным знамением, читай прощение:

Ослаби, остави, отпусти, Боже, согрешения моя, вольная и невольная, яже в слове и в деле, и яже в ведении и не в ведении, яже во уме и в помышлении, яже во дни и в нощи, вся ми прости, яко Благ и Человеколюбец. Аминь.

Вставши, читай молитву сию с поклонами:

Ненавидящих и обидящих нас прости, Господи Человеколюбче. Благотворящим благо сотвори, братиям и всем сродником нашим, иже и уединившимся, даруй им вся, яже ко спасению прошения и живот вечныи (поклон). В болезнех сущия посети и исцели, в темницах сущих свободи, по водам плавающим Правитель буди и иже в путех шествующим, исправи и поспеши (поклон). Помяни, Господи, и плененныя братию нашу, единоверных православныя веры, и избави их всякаго злаго обстояния (поклон). Помилуй, Господи, давших нам милостыню и заповедавших нам, недостойным, молитися о них, прости их и помилуй (поклон). Помилуй, Господи, труждающихся и служащих нам, милующих и питающих нас, и даруй им вся, яже ко спасению, прошения и живот вечныи (поклон). Помяни, Господи, прежде отшедшия отцы и братию нашу и всели их, идеже присещает свет лица Твоего (поклон). Помяни, Господи, и нашу худость и убожество, и просвети наш ум светом разума святаго Евангелия Твоего, и настави нас на стезю заповедей Твоих, молитвами Пречистыя Твоея Матере и всех святых Твоих, аминь (поклон).

Оканчиваются сии молитвы обычным семипоклонным началом (смотри «приходные и исходные поклоны» в начале).

По окончании молитв, как утром, так и вечером, ограждаясь своим нательным крестом, говори: Господи, Исусе Христе, Сыне Божии, благослови и освяти, и сохрани мя силою Живоноснаго Креста Твоего.

После этого целуй крест.

И читай молитву Кресту, перекрестясь:

Да воскреснет Бог, и разыдутся врази Его, и да бежат от лица Его ненавидящии Его, яко исчезает дым, да исчезнут. Яко тает воск от лица огня, тако да погибнут беси от лица любящих Бога, и знаменающихся крестным знамением, и да возвеселимся рекуще: радуися, Кресте Господень, прогоняя бесы силою на Тебе пропятаго Господа нашего Исуса Христа, во ад сшедшаго, и поправшаго силу диаволю, и давшаго нам Крест Свой Честныи на прогнание всякаго супостата.

О! Пречестныи и Животворящии Кресте Господень, помогай ми, с Пресвятою Госпожею Богородицею, и со всеми святыми небесными силами, всегда и ныне и присно и во веки веком. Аминь.

Утренние молитвы

Во имя Отца, и Сына, и Святаго Духа, Аминь.

Затем немного подожди, пока все чувства твои не придут в тишину и мысли твои не оставят все земное, и тогда произноси следующие молитвы, без поспешности и со вниманием сердечным:
Молитва мытаря (Евангелие от Луки, глава 18, стих 13)

Боже, милостив буди мне грешному. (Поклон)
Молитва предначинательная

Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.

Слава Тебе, Боже наш, слава Тебе.
Молитва Святому Духу

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Трисвятое

Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном)

Слава Отцу и Сыну и Святому Духу, и ныне и присно и во веки веков. Аминь.
Молитва ко Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Трижды).

Слава Отцу и Сыну и Святому Духу, и ныне и присно и во веки веков. Аминь.
Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Тропари Троичные

Воставше от сна, припадаем Ти, Блаже, и ангельскую песнь вопием Ти, Сильне: Свят, Свят, Свят еси, Боже, Богородицею помилуй нас.

Слава Отцу и Сыну и Святому Духу.

От одра и сна воздвигл мя еси, Господи, ум мой просвети и сердце, и устне мои отверзи, во еже пети Тя, Святая Троице: Свят, Свят, Свят еси, Боже, Богородицею помилуй нас.

И ныне и присно и во веки веков. Аминь.

Внезапно Судия приидет, и коегождо деяния обнажатся, но страхом зовем в полунощи: Свят, Свят, Свят еси, Боже, Богородицею помилуй нас.

Господи, помилуй. (12 раз)
Молитва ко Пресвятой Троице

От сна востав, благодарю Тя, Святая Троице, яко многия ради Твоея благости и долготерпения не прогневался еси на мя, лениваго и грешнаго, ниже погубил мя еси со беззаконьми моими; но человеколюбствовал еси обычно и в нечаянии лежащаго воздвигл мя еси, во еже утреневати и славословити державу Твою. И ныне просвети мои очи мысленныя, отверзи моя уста поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем, и воспевати всесвятое имя Твое, Отца и Сына и Святаго Духа, ныне и присно и во веки веков. Аминь.

Приидите, поклонимся Цареви нашему Богу. (Поклон)

Приидите, поклонимся и припадем Христу, Цареви нашему Богу. (Поклон)

Приидите, поклонимся и припадем Самому Христу, Цареви и Богу нашему. (Поклон)
Псалом 50

Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящего, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Молитва первая, святого Макария Великого

Боже, очисти мя грешнаго, яко николиже сотворих благое пред Тобою; но избави мя от лукаваго, и да будет во мне воля Твоя, да неосужденно отверзу уста моя недостойная и восхвалю имя Твое святое, Отца и Сына и Святаго Духа, ныне и присно и во веки веков Аминь.
Молитва вторая, того же святого

От сна востав, полунощную песнь приношу Ти, Спасе, и припадая вопию Ти: не даждь ми уснути во греховней смерти, но ущедри мя, распныйся волею, и лежащаго мя в лености ускорив возстави, и спаси мя в предстоянии и молитве, и по сне нощнем возсияй ми день безгрешен, Христе Боже, и спаси мя.
Молитва третья, того же святого

К Тебе, Владыко Человеколюбче, от сна востав прибегаю, и на дела Твоя подвизаюся милосердием Твоим, и молюся Тебе: помози ми на всякое время, во всякой вещи, и избави мя от всякия мирския злыя вещи и диавольскаго поспешения, и спаси мя, и введи в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу возсылаю, ныне и присно и во веки веков. Аминь.
Молитва четвертая, того же святого

Господи, Иже многою Твоею благостию и великими щедротами Твоими дал еси мне, рабу Твоему, мимошедшее время нощи сея без напасти прейти от всякаго зла противна; Ты Сам, Владыко, всяческих Творче, сподоби мя истинным Твоим светом и просвещенным сердцем творити волю Твою, ныне и присно и во веки веков. Аминь.
Молитва пятая, святого Василия Великого

Господи Вседержителю, Боже сил и всякия плоти, в вышних живый и на смиренныя призираяй, сердца же и утробы испытуяй и сокровенная человеков яве предведый, Безначальный и Присносущный Свете, у Него же несть пременение, или преложения осенение; Сам, Безсмертный Царю, приими моления наша, яже в настоящее время, на множество Твоих щедрот дерзающе, от скверных к Тебе устен творим, и остави нам прегрешения наша, яже делом, и словом, и мыслию, ведением, или неведением согрешенная нами; и очисти ны от всякия скверны плоти и духа. И даруй нам бодренным сердцем и трезвенною мыслию всю настоящаго жития нощь прейти, ожидающим пришествия светлаго и явленнаго дне Единороднаго Твоего Сына, Господа и Бога и Спаса нашего Иисуса Христа, в оньже со славою Судия всех приидет, комуждо отдати по делом его; да не падше и обленившеся, но бодрствующе и воздвижени в делание обрящемся готови, в радость и Божественный чертог славы Его совнидем, идеже празднующих глас непрестанный, и неизреченная сладость зрящих Твоего лица доброту неизреченную. Ты бо еси истинный Свет, просвещаяй и освящаяй всяческая, и Тя поет вся тварь во веки веков. Аминь.
Молитва шестая, того же святого

Тя благословим, вышний Боже и Господи милости, творящаго присно с нами великая же и неизследованная, славная же и ужасная, ихже несть числа, подавшаго нам сон во упокоение немощи нашея, и ослабление трудов многотрудныя плоти. Благодарим Тя, якo не погубил еси нас со беззаконьми нашими, но человеколюбствовал еси обычно, и в нечаянии лежащия ны воздвигл еси, во еже славословити державу Твою. Темже молим безмерную Твою благость, просвети наша мысли, очеса, и ум наш от тяжкаго сна лености возстави: отверзи наша уста, и исполни я Твоего хваления, яко да возможем непоколеблемо пети же и исповедатися Тебе, во всех, и от всех славимому Богу, Безначальному Отцу, со Единородным Твоим Сыном, и Всесвятым и Благим и Животворящим Твоим Духом, ныне и присно и во веки веков. Аминь.
Молитва седьмая, ко Пресвятой Богородице

Многомилостиве и Всемилостиве Боже мой, Господи Иисусе Христе, многия ради любве сшел и воплотился еси, яко да спасеши всех. И паки, Спасе, спаси мя по благодати, молю Тя; аще бо от дел спасеши мя, несть се благодать, и дар, но долг паче. Ей, многий в щедротах и неизреченный в милости! Веруяй бо в Мя, рекл еси, о Христе мой, жив будет и не узрит смерти во веки. Аще убо вера, яже в Тя, спасает отчаянныя, се верую, спаси мя, яко Бог мой еси Ты и Создатель. Вера же вместо дел да вменится мне, Боже мой, не обрящеши бо дел отнюд оправдающих мя. Но та вера моя да довлеет вместо всех, та да отвещает, та да оправдит мя, та да покажет мя причастника славы Твоея вечныя. Да не убо похитит мя сатана, и похвалится, Слове, еже отторгнути мя от Твоей руки и ограды; но или хощу, спаси мя, или не хощу, Христе Спасе мой, предвари скоро, скоро погибох: Ты бо еси Бог мой от чрева матере моея. Сподоби мя, Господи, ныне возлюбити Тя, якоже возлюбих иногда той самый грех; и паки поработати Тебе без лености тощно, якоже поработах прежде сатане льстивому. Наипаче же поработаю Тебе, Господу и Богу моему Иисусу Христу, во вся дни живота моего, ныне и присно и во веки веков. Аминь.
Молитва девятая, к Ангелу хранителю

Святый Ангеле, предстояй окаянной моей души и страстной моей жизни, не остави мене грешнаго, ниже отступи от мене за невоздержание мое. Не даждь места лукавому демону обладати мною, насильством смертнаго сего телесе; укрепи бедствующую и худую мою руку и настави мя на путь спасения. Ей, святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни живота моего, и аще что согреших в прешедшую нощь сию, покрый мя в настоящий день, и сохрани мя от всякаго искушения противнаго, да ни в коем гресе прогневаю Бога, и молися за мя ко Господу, да утвердит мя в страсе Своем, и достойна покажет мя раба Своея благости. Аминь.
Молитва десятая, ко Пресвятой Богородице

Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от многих и лютых воспоминаний и предприятий, и от всех действ злых свободи мя. Яко благословена еси от всех родов, и славится пречестное имя Твое во веки веков. Аминь.
Молитвенное призывание святого, имя которого носишь

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.
Песнь Пресвятой Богородице

Богородице Дево, радуйся, Благодатная Марие, Господь с Тобою; благословена Ты в женах и благословен плод чрева Твоего, яко Спаса родила еси душ наших.
Тропарь Кресту и молитва за отечество

Спаси, Господи, люди Твоя, и благослови достояние Твое, победы православным христианом на сопротивныя даруя, и Твое сохраняя Крестом Твоим жительство.
Молитва о живых

Спаси, Господи, и помилуй отца моего духовнаго (имя), родителей моих (имена), сродников (имена), начальников, наставников, благодетелей (имена их) и всех православных христиан.
Молитва о усопших

Упокой, Господи, души усопших раб Твоих: родителей моих, сродников, благодетелей (имена их), и всех православных христиан, и прости им вся согрешения вольная и невольная, и даруй им Царствие Небесное.

Если можешь, читай вместо кратких молитв о живых и усопших этот помянник:
О живых

Помяни, Господи Иисусе Христе, Боже наш, милости и щедроты Твоя от века сущия, ихже ради и вочеловечился еси, и распятие и смерть, спасения ради право в Тя верующих, претерпети изволил еси; и воскрес из мертвых, вознеслся еси на небеса и седиши одесную Бога Отца, и призираеши на смиренныя мольбы всем сердцем призывающих Тя: приклони ухо Твое, и услыши смиренное моление мене, непотребнаго раба Твоего, в воню благоухания духовнаго, Тебе за вся люди Твоя приносящаго. И в первых помяни Церковь Твою Святую, Соборную и Апостольскую, юже снабдел еси честною Твоею Кровию, и утверди, и укрепи, и разшири, умножи, умири, и непреобориму адовыми враты во веки сохрани; раздирания Церквей утиши, шатания языческая угаси, и ересей востания скоро разори и искорени, и в ничтоже силою Святаго Твоего Духа обрати. (Поклон)

Спаси, Господи, и помилуй Богом хранимую страну нашу, власти и воинство ея, огради миром державу их, и покори под нозе Православных всякаго врага и супостата, и глаголи мирная и благая в сердцах их о Церкви Твоей Святей, и о всех людех Твоих: да тихое и безмолвное житие поживем во правоверии, и во всяком благочестии и чистоте. (Поклон)

Спаси, Господи, и помилуй Великаго Господина и Отца нашего Святейшего Патриарха Кирилла, преосвященныя митрополиты, архиепископы и епископы православныя, иереи же и диаконы, и весь причет церковный, яже поставил еси пасти словесное Твое стадо, и молитвами их помилуй и спаси мя грешнаго. (Поклон)

Спаси, Господи, и помилуй отца моего духовнаго (имя его), и святыми его молитвами прости моя согрешения. (Поклон)

Спаси, Господи, и помилуй родители моя (имена их), братию и сестры, и сродники моя по плоти, и вся ближния рода моего, и други, и даруй им мирная Твоя и премирная благая. (Поклон)

Спаси, Господи, и помилуй по множеству щедрот Твоих вся священноиноки, иноки же и инокини, и вся в девстве же и благоговении и постничестве живущия в монастырех, в пустынях, в пещерах, горах, столпех, затворех, разселинах каменных, островех же морских, и на всяком месте владычествия Твоего правоверно живущия, и благочестно служащия Ти, и молящияся Тебе: облегчи им тяготу, и утеши их скорбь, и к подвигу о Тебе силу и крепость им подаждь, и молитвами их даруй ми оставление грехов. (Поклон)

Спаси, Господи, и помилуй старцы и юныя, нищия и сироты и вдовицы, и сущия в болезни и в печалех, бедах же и скорбех, обстояниих и пленениих, темницах же и заточениих, изряднее же в гонениих, Тебе ради и веры православныя, от язык безбожных, от отступник и от еретиков, сущия рабы Твоя, и помяни я, посети, укрепи, утеши, и вскоре силою Твоею ослабу, свободу и избаву им подаждь. (Поклон)

Спаси, Господи, и помилуй благотворящия нам, милующия и питающия нас, давшия нам милостыни, и заповедавшия нам недостойным молитися о них, и упокоевающия нас, и сотвори милость Твою с ними, даруя им вся, яже ко спасению прошения, и вечных благ восприятие. (Поклон)

Спаси, Господи, и помилуй посланныя в службу, путешествующия, отцы и братию нашу, и вся православныя христианы. (Поклон)

Спаси, Господи, и помилуй ихже аз безумием моим соблазних, и от пути спасительнаго отвратих, к делом злым и неподобным приведох; Божественным Твоим Промыслом к пути спасения паки возврати. (Поклон)

Спаси, Господи, и помилуй ненавидящия и обидящия мя, и творящия ми напасти, и не остави их погибнути мене ради, грешнаго. (Поклон)

Отступившия от православныя веры и погибельными ересьми ослепленныя, светом Твоего познания просвети и Святей Твоей Апостольстей Соборней Церкви причти. (Поклон)
О усопших

Помяни, Господи, от жития сего отшедшия правоверныя цари и царицы, благоверныя князи и княгини, святейшия патриархи, преосвященныя митрополиты, архиепископы и епископы православныя, во иерейстем же и в причте церковнем, и монашестем чине Тебе послужившия, и в вечных Твоих селениих со святыми упокой. (Поклон)

Помяни, Господи, души усопших рабов Твоих, родителей моих (имена их), и всех сродников по плоти; и прости их вся согрешения вольная и невольная, даруя им Царствие и причастие вечных Твоих благих и Твоея безконечныя и блаженныя жизни наслаждение. (Поклон)

Помяни, Господи, и вся в надежди воскресения и жизни вечныя усопшия, отцы и братию нашу, и сестры, и зде лежащия и повсюду, православныя христианы, и со святыми Твоими, идеже присещает свет лица Твоего, всели, и нас помилуй, яко Благ и Человеколюбец. Аминь. (Поклон)

Подаждь, Господи, оставление грехов всем прежде отшедшим в вере и надежди воскресения, отцем, братиям и сестрам нашим и сотвори им вечную память. (Трижды)

Окончание молитв

Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Слава Отцу и Сыну и Святому Духу. И ныне и присно и во веки веков. Аминь.

Господи, помилуй. (Трижды)

Господи, Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.

Источник: Молитвослов

Текст подготовила Виктория Барабаш

Объяснение утренних молитв. Часть 1. Как научиться понимать молитвы

_{Чтобы провести день весь совершенно свято, мирно и безгрешно, для этого единственное средство — самая искренняя, горячая молитва утром по востании от сна. Она ведет в сердце Христа со Отцем и Духом Святым и таким образом даст силу и крепость душе против приражений зла; только хранить сердце своё надобно.
Св. прав. Иоанн Кронштадтский.}

Руки и ноги за делом, а мысль с Богом — вот правильно устремлённый человек. Внутренне надо налаживать с утра — как глаза откроются. Хранить его весь день, вечером подогреть, и так заснуть.
Святитель Феофан Затворник.

Советы о том, как научиться понимать молитвы

В молитвах, которые Церковь предлагает своим чадам для постоянного употребления, заключена полнота православного богословия; их язык далек от нашего повседневного языка, и многим это кажется непреодолимым препятствием. Молитвы надо воспринимать всем существом, всей жизнью — и всем умом… у многих ли из нас он готов к этому?

Главное, конечно — это молитвенное устремление сердца к Богу, Который Сам может наставить нас на всякую истину (Ин. 16, 13). Прося в молитве Бога о насущных наших телесных и духовных нуждах, не должны ли мы просить и о главном сокровище христианина, о главном и наиболее благодатном духовном делании — о молитве, повторяя вслед за учениками Спасителя: Господи! научи нас молиться (Лк. 11, 1) ?

Главное и наиболее сильное средство для вхождения в мир молитвы — участие в богослужении и опыт совместной молитвы в храме. В Церкви явно действует Дух Святой, Дух Истины (Ин. 16, 13), вводя в наши разум и сердце слова молитв и давая ощутить всю их силу.

Востав от сна, прежде всякого другого дела, стань благоговейно, представляя себя пред Всевидящим Богом, и, совершив крестное знамение, произнеси:

Во имя Отца и Сына и Святаго Духа. Аминь.

Аминь — истинно, верно, да будет так (древнееврейск.).

Крестное знамение — знак Креста. Знамение — символ, образ, но также и воинское знамя, и чудо (вспомним частое в Священном Писании выражение «чудеса и знамения»).

Первыми словами нашего утреннего молитвословия мы призываем Триединого Бога — Отца, Сына и Святого Духа — и все наши последующие молитвы посвящаем Ему, Его имени.

+++ Мы должны научиться так держаться в присутствии невидимого Господа, как держались бы в присутствии Господа, ставшего для нас видимым.

Прежде всего это предполагает определенное состояние ума, которое отражается и на состоянии тела. Если бы Христос был здесь, перед нами, и мы стояли совершенно прозрачными, умом и телом, для Его взгляда, то мы испытывали бы благоговение, страх Божий, любовь, может быть, даже ужас, но мы не держали бы себя так вольно, как это делаем обычно. Современный мир в большой мере утратил молитвенный дух, и дисциплина тела стала для людей чем-то второстепенным, хотя она далеко не второстепенна. Мы забываем, что мы не душа, обитающая в теле, а человек, состоящий из тела и души, и что, по апостолу Павлу, мы призваны прославлять Бога в телах наших и в душах наших (1 Кор. 6, 20); наши тела, как и наши души, призваны к славе Царствия Божия.
Митрополит Антоний Сурожский

+++ Крестное знамение — наше свидетельство о распятии Христовом; оно во всех обстоятельствах жизни употреблялось еще первыми христианами. Этот священный и страшный знак исполнен великой силы, и употреблять его следует четко, внимательно, без малейшей небрежности.

Три первых пальца правой руки (большой, указательный и средний) складывают вместе, в знак нашей веры в Единую и Нераздельную Пресвятую Троицу. Безымянный палец и мизинец пригибают к ладони, что знаменует два естества Господа Иисуса Христа (что он есть истинный Бог и истинный Человек). Теперь тремя сложенными пальцами со словами «Во имя Отца…» мы прикасаемся ко лбу, в знак освящения ума, затем, со словами «…и Сына…» — к низу груди (и даже чуть ниже груди, к области пупка, чтобы начертанный на теле крест получился пропорциональным, а не «перевернутым¦) в знак освящения сердца, затем, со словами «…и Святаго Духа!» — к правому и левому плечу, в знак освящения дел рук наших и всех телесных сил. Наконец, опустив руку и поклонившись, говорим: «Аминь».

(Когда крестное знамение сопровождает другую молитву, эти слова, конечно, не произносятся.)
Налагать на себя крестное знамение следует так, чтобы чувствовать прикосновение собственной руки (а не «крестить воздух¦), а поклон полагать лишь после того, как прикоснулись к правому и левому плечу (не «ломая крест» до того, как он начертан).

Затем немного подожди, пока все чувства твои не придут в тишину и мысли твои не оставят всё земное, и тогда произноси следующие молитвы без поспешности и со вниманием сердечным.
«Никогда молитв спешно не проговаривайте, а не спеша, с мыслями и чувствами, кои выражаются в читаемых молитвах. Пред началом молитвословия всегда приготовляйтесь немного, собирая мысли и стараясь вниманием своим стать пред Господом, Коему молиться приступаете. Главное расположение молитвенное да будет покаянное, ибо мы много согрешаем все…»

«Исправность нашей молитвы нарушают мысли. Старайтесь это исправить. Первый шаг к сему — приступая к молитве, возбуждать в себе страх Божий и благоговеинство; затем стать вниманием в сердце и оттуда взывать к Господу».

Святитель Феофан Затворник. Из писем духовным чадам.

Молитва мытаря

Боже, милостив буди мне, грешному.
Мытарь — сборщик податей; в I веке это слов было почти равнозначно слову «грешник».
Буди мне — будь ко мне.

Как образец истинной молитвы эти слова привёл в Своей притче Сам Господь Иисус Христос:

Сказал также к некоторым, которые уверены были о себе, что они праведны, и уничижали других, следующую притчу:
Два человека вошли в храм помолиться: один фарисей, а другой мытарь. Фарисей, став, молился сам в себе так: Боже! благодарю Тебя, что я не таков, как прочие люди, грабители, обидчики, прелюбодеи, или как этот мытарь: пощусь два раза в неделю, даю десятую часть из всего, что приобретаю. Мытарь же, стоя вдали, не смел даже поднять глаз на небо; но, ударяя себя в грудь, говорил: Боже! будь милостив ко мне грешнику! Сказываю вам, что сей пошел оправданным в дом свой более, нежели тот: ибо всякий, возвышающий сам себя, унижен будет, а унижающий себя возвысится.
Лк, 18, 9-14

+++ Если у нас и есть добрые дела, они — долг наш перед Богом, а не заслуга; а грехов наших несравненно больше, чем добрых дел, и только одно милосердие Божие может покрыть нас: Боже, милостив буди мне, грешному. По словам святителя Игнатия Брянчанинова, «хотя бы кто стоял на самой высоте добродетелей, но если он молится не как грешник, молитва его отвергается Богом». В молитве нужно иметь покаянное и смиренное сердце, просящее и плачущее.

«Если мы будем молиться со смирением, если будем ударять себя в грудь подобно мытарю, если будем произносить, подобно ему, слова: милостив буди мне, грешному — то получим всё. Правда, мы не мытари; но у нас есть другие грехи, не меньше его грехов. Не говори мне, что ты грешен в малом: всякое греховное дело в существе своём одинаково. Убийцею одинаково называется и тот, кто убил мужа, и тот, кто убил дитя… Мы недостойно причащаемся страшных Таин, завидуем, злословим, а некоторые из нас часто и упиваются. Каждое из этих дел само по себе достаточно для того, чтобы лишить нас Царствия Небесного; а если они соединятся вместе, то какое мы можем иметь оправдание?»
Святитель Иоанн Златоуст

«Чем наипаче удерживается в душе благодать? Смирением. За что наипаче отходит? От какого-нибудь движения гордости, самомнения и самонадеянности. Как только ощутит она внутри этот дурной запах гордыни, тотчас и удаляется»
Святитель Феофан Затворник

Молитва предначинательная

Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.

Молитв ради — по молитвам.
Пречистыя Твоея Матере — Пречистой Твоей Матери (родительный падеж). Вот ещё примеры подобных форм из Молитвослова: очисти ны от всякия скверны (молитва Святому Духу) — очисти нас от всякой скверны; безконечныя и блаженныя жизни наслаждение.(помянник о усопших) — наслаждение бесконечной и блаженной жизни; благость и милость Всесвятыя Троицы (из молитв на сон грядущим, ко Ангелу Хранителю) — благость и милость Всесвятой Троицы.

+++ «…Как! Бог имеет власть оставлять грехи по молитвам Своей Пречистой Матери и святых, а не сам независимо? — И без молитв других имеет власть — конечно, один имеет власть; но чтобы почтить высокие добродетели святых, особенно Своей Пречистой Матери, которые суть Его друзья, до последних сил угождавшие Ему в земной жизни — Он принимает их молитвенные предстательства о нас, недостойных, о нас, которые часто должны заградить уста свои по причине великих и частых своих грехопадений… По молитве Своей Пречистой Матери он милует нас, которые сами по себе, за великие и частые грехи и беззакония, и недостойны были бы Его милости»
Cв. праведный Иоанн Кронштадтский

Слава Тебе, Боже наш, слава Тебе.

Эта молитва называется малым славословием: мы кратко прославляем Бога, воздаём Ему хвалу.
С глубоким чувством, от всей души может быть произнесено это славословие во всех обстоятельствах жизни, в радости и скорби. Истинно христианское ощущение жизни, к которому мы должны по мере сил приближаться — в последних словах св. Иоанна Златоуста, умершего в гонении, в тяжелой ссылке: «Слава Богу за всё!»

Молитва ко Пресвятой Троице

яко многия ради Твоея благости — ибо по множеству Твоей благости.

Ниже погубил мя еси — и не предал меня смерти (ниже — и не: соединение союзов ни и же).

Обычно — здесь: как всегда, как Ты постоянно делаешь.

Нечаяние — неведение; отчаяние.

Во еже — чтобы. Утреневати — рано вставать, приходить, произносить утреннюю молитву.

Держава — сила, власть. Очи мысленныя — очи душевные.

Отверзи — открой.

Словесем Твоим — здесь: учению, слову Твоему (а не словам).

Исповедание — здесь: слава, хвала, благодарение.

+++ Сон — образ смерти. Пробудившись от сна, от сонного забвения и нечувствия, мы возносим Господу благодарение за то, что Он не прогневался за наши грехи и даровал нам жизнь нового дня, что Он воздвиг нас с ложа нашего, во еже утреневати и славословити державу Твою — чтобы поутру мы могли прославлять державу Божию. Вот для чего мы поднимаемся с постели! Первая забота — прославление имени Божия, угож-дение Богу. Но угождать Богу мы можем лишь по Божьей благодати — поэтому просим мы Господа просветить наши мысленные очи, просим открыть наши уста для поучения в законе Господнем и разумения и исполнения заповедей Его, для того, чтоб творить во всём Его волю (многократно разные молитвы возвращают нас к словам молитвы Господней — да будет воля Твоя!), чтобы петь Богу хвалу во исповедании сердечнем не только сейчас, в положенный час утренней молитвы, но и во весь предстоящий день, ныне, и во все дни жизни нашей, и присно, и во веки веков — в вечном Царстве Божием (да приидет Царствие Твое!).

*** пети Тя во исповедании сердечнем — в греческом тексте молитвы буквально: «бряцать Тебе славу в благодарении сердца», то есть прославлять Тебя в благодарном сердце.

*** не прогневался еси на мя… ниже погубил мя еси… воздвигл мя еси — формы прошедшего времени (на современном русском языке мы скажем просто: не прогневался на меня… не погубил меня… Эти современные формы и образовались из более сложных церковно-славянских отпадением вспомогательного глагола еси). Церковнославянская форма, в отличие от современной, показывает еще, к какому лицу относится глагол: в современном русском языке и я, и ты, и он пришёл; на церковнославянском пришел есмь (аз), пришел еси (ты), пришел есть (он).