Молитва великого освящения воды

Молитва из чина великого водоосвящения

Церковнославянский текст

Велий еси, Господи, и чудна дела Твоя, и ни едино же слово довольно будет к пению чудес Твоих (трижды). Ты бо, хотением от не сущих во еже быти приведый всяческая, Твоею державою содержиши тварь, и Твоим промыслом строиши мир. Ты от четырех стихий тварь сочинивый, четырми времены круг лета венчал еси. Тебе трепещут умныя вся силы, Тебе поет солнце, Тебе славит луна, Тебе присутствуют звезды, Тебе слушает свет, Тебе трепещут бездны, Тебе работают источницы.

Ты простерл еси небо, яко кожу, Ты утвердил еси землю на водах, Ты оградил еси море песком, Ты ко отдыханием воздух пролиял еси.

Ангельския силы Тебе служат, архангельстии лицы Тебе кланяются, многоочитии херувими и шестокрилатии серафими, окрест стояще и облетающе, страхом неприступныя славы Твоея покрываются. Ты бо Бог Сый неописанный, безначальный же и неизглаголанный, пришел еси на землю, зрак раба приим, в подобии человечестем быв, не бо терпел еси, Владыко, милосердия ради милости Твоея, зрети от диавола мучима рода человеча, но пришел еси и спасл еси нас.

Исповедуем благодать, проповедуем милость, не таим благодеяния: естества нашего роды свободил еси, девственную освятил еси утробу Рождеством Твоим. Вся тварь воспевает Тя явльшагося: Ты бо Бог наш, на земли явился еси, и с человеки пожил еси. Ты Иорданския струи освятил еси, с Небесе низпославый Святаго Твоего Духа, и главы тамо гнездящихся сокрушил еси змиев. Ты убо, Человеколюбче Царю, прииди и ныне наитием Святаго Твоего Духа, и освяти воду сию(трижды, с осенением воды рукой). И даждь ей благодать избавления, благословение Иорданово; сотвори ю нетления источник, освящения дар, грехов разрешение, недугов исцеление, демонов всегубительство, сопротивным силам неприступную, ангельския крепости исполненную.

Да вси почерпающии и причащающиися, имеют ю ко очищению душ и телес, ко исцелению страстей, ко освящению домов, и ко всякой пользе изрядну. Ты бо еси Бог наш, Иже водою и Духом обновивый обетшавшее грехом естество наше. Ты еси Бог наш, водою потопивый при Ное грех. Ты еси Бог наш, Иже морем свободивый от работы фараони Моисеом род еврейский. Ты бо еси Бог наш, разразивый камень в пустыни, и потекоша воды, и потоцы наводнишася, и жаждущия люди Твоя насытивый. Ты еси Бог наш, Иже водою и огнем пременивый Илиею Израиля от прелести Вааловы. Сам и ныне, Владыко, освяти воду сию Духом Твоим Святым(трижды). Даждь же всем прикасающимся ей, и причащающимся, и мажущимся ею, освящение, здравие, очищение и благословение.

Спаси, Господи, и помилуй великаго господина и отца нашего, Святейшаго патриарха Кирилла, и господина нашего, Преосвященнейшаго епископа имярек и сохрани их под кровом Твоим в мире. Спаси, Господи, и помилуй власти и воинство страны нашея, покори им всякаго врага и супостата. Даруй им вся, яже ко спасению прошения, и жизнь вечную, да и стихиами, и человеки, и ангелы, и видимыми, и невидимыми, славится Твое пресвятое Имя, со Отцем и Святым Духом, ныне и присно, и во веки веков. Аминь.

Перевод на русский (Ю. А. Виноградов, свящ. М. Желтов)

Велик Ты, Господи, чудесны Твои дела, и никаких слов не хватит, чтобы воспеть Твои чудеса(трижды). Ведь Ты, приведя Своей волей все из небытия в бытие, в Своей власти держишь творение и Своим промыслом управляешь миром. Ты, Составивший творение из четырех начал, четырьмя временами [года] увенчал годичный круг. Перед Тобой трепещут все разумные силы, Тебя воспевает солнце, Тебя прославляет луна, Тебе молятся звезды, Тебе повинуется свет, Тебя боятся бездны, Тебе подчиняются источники. Ты натянул небо, словно завесу, Ты утвердил землю на водах, Ты оградил море песком, Ты разлил воздух для дыхания. Ангельские силы тебе служат, хоры архангелов Тебе поклоняются, многоокие херувимы и шестикрылые серафимы, стоя кругом и летая, покрываются страхом перед Твоей неприступной славой. Ведь Ты, Бог Неописуемый, Безначальный и Неизреченный, пришел на землю, приняв облик раба и уподобившись человеку. Ибо ты не мог, Владыка, по Своему милосердию смотреть на то, как дьявол насилует человеческий род, но пришел и спас нас.

Так и теперь, Владыка, Ты Сам освяти эту воду Твоим Святым Духом. И подай всем, кто будет прикасаться к ней и вкушать [ее] и помазываться ею, освящение, здоровье, очищение и благословение.

Спаси, Господи, и помилуй Великого господина и отца нашего Святейшего патриарха Кирилла и господина нашего, Преосвященного епископа [ …],и сохрани их под Твоим покровом в мирном состоянии [духа].Спаси, Господи и помилуй власти и армию нашей страны, покори им всякого врага и агрессора. Исполни все их просьбы, относящиеся ко спасению, и даруй им жизнь вечную, чтобы и стихиями, и людьми, и ангелами, и всем видимым и невидимым [творением] прославлялось Твое всецело святое Имя со Отцом и Святым Духом, теперь и всегда и во веки веков. Аминь.

Поделиться «Молитва из чина великого водоосвящения»

ЦЕРКОВНО-БОГОСЛУЖЕБНЫЯ КНИГИ

ТРЕБНИКЪ.
25. Послѣ́дованіе вели́каго освяще́нія воды́ Святы́хъ Богоявле́ній.

По е́же рещи́ свяще́ннику заамво́нную моли́тву, исхо́димъ вси́ ко крести́льницѣ, предыду́щимъ свѣщено́сцемъ, по ни́хъ же діа́кономъ и свяще́нникомъ со Ева́нгеліемъ и кади́ломъ. Бра́тіи пою́щимъ настоя́щія тропари́ сія́,

Г ла́съ Госпо́день на вода́хъ вопіе́тъ, глаго́ля: * пріиди́те, пріими́те вси́ * Ду́ха прему́дрости, * Ду́ха ра́зума, * Ду́ха стра́ха Бо́жія, * я́вльшагося Христа́. [Три́жды.]

Д не́сь во́дъ освяща́ется естество́, * и раздѣля́ется Іорда́нъ, * и свои́хъ во́дъ возвраща́етъ струи́, * Влады́ку зря́ креща́ема. [Два́жды.]

Я ко Человѣ́къ, на рѣку́ прише́лъ еси́, Христе́ Царю́, * и ра́бское креще́ніе прія́ти тщи́шися, Бла́же, * отъ Предте́чеву руку́ * грѣ́хъ ра́ди на́шихъ, Человѣколю́бче. [Два́жды.]

Сла́ва, и ны́нѣ, гла́съ то́йже:

К о гла́су вопію́щаго въ пусты́ни: * угото́вайте пу́ть Госпо́день, * прише́лъ еси́, Го́споди, зра́къ ра́бій пріи́мъ, * креще́нія прося́, не вѣ́дый грѣха́. * Ви́дѣша Тя́ во́ды и убоя́шася. * Тре́петенъ бы́сть Предте́ча и возопи́, глаго́ля: * ка́ко просвѣти́тъ свѣти́льникъ Свѣ́та? * Ка́ко ру́ку положи́тъ ра́бъ на Влады́ку? * Освяти́ мене́ и во́ды, Спа́се, взе́мляй мíра грѣ́хъ.

И а́біе, ста́въ у крести́льницы, глаго́летъ діа́конъ: П рему́дрость.
И чте́цъ: Проро́чества Иса́іина чте́ніе. [ Глава́ 35. ]

Проро́чества Иса́іина чте́ніе. [ Глава́ 55. ]

Проро́чества Иса́іина чте́ніе. [ Глава́ 12. ]

Т а́ко глаго́летъ Госпо́дь: почерпи́те во́ду съ весе́ліемъ отъ исто́чниковъ спасе́нія. И рече́ши въ де́нь о́нъ: исповѣ́дайтеся Го́сподеви и призови́те и́мя Его́. Возвѣсти́те во язы́цехъ сла́ву Его́, помяни́те, я́ко вознесе́ся и́мя Его́. По́йте и́мя Госпо́дне, я́ко высо́кая сотвори́. Возвѣсти́те сія́ по все́й земли́, ра́дуйтеся и весели́теся, живу́щіи въ Сіо́нѣ, я́ко вознесе́ся Святы́й Изра́илевъ посредѣ́ его́.

Діа́конъ: П рему́дрость. Чте́цъ: Проки́менъ, гла́съ 3: Г оспо́дь просвѣще́ніе мое́ и Спаси́тель мо́й, * кого́ убою́ся? Сти́хъ: Г оспо́дь Защи́титель живота́ моего́, отъ кого́ устрашу́ся?

Апо́столъ: Къ Кори́нѳяномъ посла́нія свята́го апо́стола Па́вла чте́ніе. [ Зача́ло 143 отъ полу́. ]

Б ра́тіе, не хощу́ ва́съ не вѣ́дѣти, я́ко отцы́ на́ши вси́ подъ о́блакомъ бы́ша и вси́ сквозѣ́ мо́ре проидо́ша. И вси́ въ Моисе́я крести́шася во о́блацѣ и въ мо́ри: И вси́ то́жде бра́шно духо́вное ядо́ша. И вси́ то́жде пи́во духо́вное пи́ша, пія́ху бо отъ духо́внаго послѣ́дующаго ка́мене, ка́мень же бѣ́ Христо́съ.

Аллилу́ія, гла́съ 4: Г ла́съ Госпо́день на вода́хъ. Сти́хъ: Б о́гъ сла́вы возгремѣ́, Госпо́дь на вода́хъ мно́гихъ.

Діа́конъ глаго́летъ: П рему́дрость, про́сти, услы́шимъ свята́го Ева́нгелія.
Свяще́нникъ: О тъ Ма́рка свята́го Ева́нгелія чте́ніе. [ Зача́ло 2. ]

В о вре́мя о́но пріи́де Іису́съ отъ Назаре́та Галиле́йскаго и крести́ся отъ Іоа́нна во Іорда́нѣ. И а́біе восходя́ отъ воды́, ви́дѣ разводя́щася небеса́ и Ду́хъ, я́ко го́лубь, сходя́щь На́нь. И гла́съ бы́сть съ небесе́: Ты́ еси́ Сы́нъ Мо́й возлю́бленный, о Не́мже благоволи́хъ.

Діа́конъ же глаго́летъ ектенію́:

М и́ромъ Го́споду помо́лимся.

Ли́къ: Г о́споди поми́луй. [То́же пое́тся по ка́ждомъ проше́ніи.]

Діа́конъ: О свы́шнѣмъ ми́рѣ, и спасе́ніи ду́шъ на́шихъ, Го́споду помо́лимся.

О ми́рѣ всего́ мíра, благостоя́ніи святы́хъ Бо́жіихъ церкве́й, и соедине́ніи всѣ́хъ, Го́споду помо́лимся.

О святѣ́мъ хра́мѣ се́мъ, и съ вѣ́рою, благоговѣ́ніемъ и стра́хомъ Бо́жіимъ входя́щихъ въ о́нь, Го́споду помо́лимся.

О Святѣ́йшемъ Прави́тельствующемъ Сѵно́дѣ, [и о митрополи́тѣ на́шемъ [имяре́къ] , его́же о́бласть], честнѣ́мъ пресви́терствѣ, во Христѣ́ діа́конствѣ, о все́мъ при́чтѣ и лю́дѣхъ, Го́споду помо́лимся.

О Благочести́вѣйшемъ, Самодержа́внѣйшемъ, Вели́комъ Госуда́рѣ на́шемъ Импера́торѣ [имяре́къ] всея́ Россíи; о Супру́гѣ Его́, Благочести́вѣйшей Госуда́рынѣ Императри́цѣ [имяре́къ] ; о Ма́тери Его́, Благочести́вѣйшей Госуда́рынѣ Императри́цѣ [имяре́къ] , Го́споду помо́лимся.

О Наслѣ́дникѣ Его́, Благовѣ́рномъ Госуда́рѣ, Цесаре́вичѣ и Вели́комъ Кня́зѣ [имяре́къ] , и о все́мъ Ца́рствующемъ До́мѣ, о все́й пала́тѣ, и во́инствѣ Ихъ, Го́споду помо́лимся.

О пособи́ти и покори́ти подъ но́зѣ Ихъ вся́каго врага́ и супоста́та, Го́споду помо́лимся.

О гра́дѣ се́мъ, [ аще въ монастырѣ́: О святѣ́й оби́тели се́й,] вся́комъ гра́дѣ и странѣ́, и вѣ́рою живу́щихъ въ ни́хъ, Го́споду помо́лимся.

О благорастворе́ніи возду́ховъ, о изоби́ліи плодо́въ земны́хъ, и вре́менѣхъ ми́рныхъ, Го́споду помо́лимся.

О пла́вающихъ, путеше́ствующихъ, неду́гующихъ, стра́ждущихъ, плѣне́нныхъ, и о спасе́ніи и́хъ, Го́споду помо́лимся.

О е́же освяти́тися вода́мъ си́мъ си́лою, и дѣ́йствіемъ, и наи́тіемъ Свята́го Ду́ха, Го́споду помо́лимся.

О е́же снизходи́ти на во́ды сія́ очисти́тельному Пресу́щныя Тро́ицы дѣ́йству, Го́споду помо́лимся.

О е́же дарова́тися и́мъ благода́ти избавле́нія, благослове́нію Іорда́нову си́лою, и дѣ́йствомъ, и наи́тіемъ Свята́го Ду́ха, Го́споду помо́лимся.

О е́же сокруши́тися сатанѣ́ подъ нога́ма на́шима вско́рѣ и разори́тися вся́кому совѣ́ту лука́вому, дви́жимому на ны́, Го́споду помо́лимся.

Я ко да Госпо́дь Бо́гъ и́зметъ на́съ отъ вся́каго навѣ́та и искуше́нія сопроти́вника и досто́йны содѣ́лаетъ обѣ́щанныхъ бла́гъ, Го́споду помо́лимся.

О е́же просвѣти́тися на́мъ просвѣще́ніемъ ра́зума и благоче́стія, наи́тіемъ Свята́го Ду́ха, Го́споду помо́лимся.

О е́же низпосла́ти Го́споду Бо́гу благослове́ніе Іорда́ново и освяти́ти во́ды сія́, Го́споду помо́лимся.

О е́же бы́ти водѣ́ се́й освяще́нія да́ру, грѣхо́въ избавле́нію, во исцѣле́ніе души́ и тѣ́ла и на вся́кую по́льзу изря́дную, Го́споду помо́лимся.

О е́же бы́ти водѣ́ се́й приводя́щей въ жи́знь вѣ́чную, Го́споду помо́лимся.

О е́же яви́тися се́й отгна́нію вся́каго навѣ́та ви́димыхъ и неви́димыхъ вра́гъ, Го́споду помо́лимся.

О че́рплющихъ и е́млющихъ во освяще́ніе домо́въ, Го́споду помо́лимся.

О е́же бы́ти се́й во очище́ніе ду́шъ и тѣле́съ всѣ́мъ, вѣ́рою и че́рплющимъ же и причаща́ющимся отъ нея́, Го́споду помо́лимся.

О е́же сподо́битися на́мъ испо́лнитися освяще́нія во́дъ си́хъ прича́щеніемъ, неви́димымъ явле́ніемъ Свята́го Ду́ха, Го́споду помо́лимся.

О е́же услы́шати Го́споду Бо́гу гла́съ моле́нія на́съ, грѣ́шныхъ, и поми́ловати на́съ, Го́споду помо́лимся.

О изба́витися на́мъ отъ вся́кія ско́рби, гнѣ́ва и ну́жды, Го́споду помо́лимся.

З аступи́, спаси́, поми́луй и сохрани́ на́съ, Бо́же, Твое́ю благода́тію.

П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Приснодѣ́ву Марíю, со всѣ́ми святы́ми помяну́вше, са́ми себе́ и другъ дру́га, и ве́сь живо́тъ на́шъ Христу́ Бо́гу предади́мъ. Ли́къ: Т ебѣ́, Го́споди.

Си́мъ глаго́лемымъ, свяще́нникъ та́йно моли́тву сію́ глаго́летъ:

И ре́къ въ себѣ́: А ми́нь. Діа́кону же испо́лнившу ектенію́, начина́етъ свяще́нникъ велегла́сно моли́тву сію́:

В е́лій еси́, Го́споди, и чу́дна дѣла́ Твоя́, и ни еди́но же сло́во дово́льно бу́детъ къ пѣ́нію чуде́съ Твои́хъ. [Три́жды.]

И сіе́ у́бо свяще́нникъ глаго́ля три́жды, и во́ду руко́ю благословля́етъ на кíйждо сти́хъ:

Т ы́ у́бо, Человеколю́бче Царю́, пріиди́ и ны́нѣ наи́тіемъ Свята́го Твоего́ Ду́ха и освяти́ во́ду сію́. [Три́жды.]

И да́ждь е́й благода́ть избавле́нія, благослове́ніе Іорда́ново, сотвори́ ю́ нетлѣ́нія исто́чникъ, освяще́нія да́ръ, грѣхо́въ разрѣше́ніе, неду́говъ исцѣле́ніе, де́моновъ всегуби́тельство, сопроти́внымъ си́ламъ непристу́пную, а́нгельскія крѣ́пости испо́лненную, да вси́, почерпа́ющіи и причаща́ющіися, имѣ́ютъ ю́ ко очище́нію ду́шъ и тѣле́съ, ко исцѣле́нію страсте́й, ко освяще́нію домо́въ и ко вся́кой по́льзѣ изря́дну. Ты́ бо еси́ Бо́гъ на́шъ, Иже водо́ю и Ду́хомъ обнови́вый обетша́вшее грѣхо́мъ естество́ на́ше. Ты́ еси́ Богъ на́шъ, водо́ю потопи́вый при Но́и грѣ́хъ. Ты́ еси́ Бо́гъ на́шъ, Иже мо́ремъ свободи́вый отъ рабо́ты фара́они Моисе́омъ ро́дъ евре́йскій. Ты́ бо еси́ Бо́гъ на́шъ, разрази́вый ка́мень въ пусты́ни, и потеко́ша во́ды, и пото́цы наводни́шася, и жа́ждущія лю́ди Твоя́ насы́тивый. Ты́ еси́ Бо́гъ на́шъ, Иже водо́ю и огне́мъ премѣни́вый Иліе́ю Изра́иля отъ пре́лести Ваа́ловы.

С а́мъ и ны́нѣ, Влады́ко, освяти́ во́ду сію́ Ду́хомъ Твои́мъ Святы́мъ. [Три́жды.]

Д а́ждь же всѣ́мъ, прикаса́ющимся е́й, и причаща́ющимся, и ма́жущимся е́ю, освяще́ніе, здра́віе, очище́ніе и благослове́ніе.

И спаси́, Го́споди, Раба́ Твоего́ Благочести́вѣйшаго, Самодержа́внѣйшаго, Вели́каго Госуда́ря на́шего Импера́тора [имяре́къ] всея́ Россíи. [Три́жды.]

И Супру́гу Его́, Благочести́вѣйшую Госуда́рыню Императри́цу [имяре́къ] ; Ма́терь Его́, Благочести́вѣйшую Госуда́рыню Императри́цу [имяре́къ] ; Наслѣ́дника Его́, Благовѣ́рнаго Госуда́ря, Цесаре́вича и Вели́каго Кня́зя [имяре́къ] и ве́сь Ца́рствующій До́мъ.

С паси́, Го́споди, и поми́луй Святѣ́йшій Прави́тельствующій Всероссíйскій Сѵно́дъ, и сохрани́ и́хъ подъ кро́вомъ Твои́мъ въ ми́рѣ, покори́ и́мъ вся́каго врага́ и супоста́та, да́руй и́мъ вся́, я́же ко спасе́нію проше́нія, и жи́знь вѣ́чную, да и стихíями, и человѣ́ки, и а́нгелы, и ви́димыми, и неви́димыми сла́вится Твое́ пресвятое́ и́мя, со Отце́мъ и Святы́мъ Ду́хомъ, ны́нѣ, и при́сно, и во вѣ́ки вѣко́въ, ами́нь.

Свяще́нникъ: М и́ръ всѣ́мъ. Ли́къ: И ду́хови твоему́. Діа́конъ: Г лавы́ ва́ша Го́сподеви приклони́те. Ли́къ: Т ебѣ́, Го́споди.

Свяще́нникъ, прекло́нься, мо́лится та́йно:

П риклони́, Го́споди, у́хо Твое́ и услы́ши ны́, Иже во Іорда́нѣ крести́тися изво́ливый и освяти́вый во́ды, благослови́ всѣ́хъ на́съ, и́же приклоне́ніемъ своея́ вы́и назна́менующихъ рабо́тное воображе́ніе, и сподо́би на́съ испо́лнитися освяще́нія Твоего́ причаще́ніемъ воды́ сея́, и да бу́детъ на́мъ, Го́споди, во здра́віе души́ и тѣ́ла.

Возглаше́ніе: Т ы́ бо еси́ освяще́ніе на́ше, и Тебѣ́ сла́ву, и благодаре́ніе, и поклоне́ніе возсыла́емъ со Безнача́льнымъ Твои́мъ Отце́мъ, и Пресвяты́мъ, и Благи́мъ, и Животворя́щимъ Твои́мъ Ду́хомъ, ны́нѣ, и при́сно, и во вѣ́ки вѣко́въ. Ли́къ: А ми́нь.

И а́біе, благословля́я во́ду крестови́дно честны́мъ кресто́мъ, погружа́етъ его́ пра́во, низводя́ въ во́ду и возводя́, держа́ его́ обѣ́ма рука́ма, поя́ настоя́щій тропа́рь, во гла́съ пе́рвый:

В о Іорда́нѣ креща́ющуся Тебѣ́, Го́споди, * Тро́ическое яви́ся поклоне́ніе: * Роди́телевъ бо гла́съ свидѣ́тельствоваше Тебѣ́, * возлю́бленнаго Тя́ Сы́на имѣну́я, * и Ду́хъ въ ви́дѣ голуби́нѣ * извѣ́ствоваше словесе́ утвержде́ніе. * Явле́йся Христе́ Бо́же * и мíръ просвѣще́й, сла́ва Тебѣ́.

Пѣвце́мъ то́ же пою́щимъ. Па́ки и второ́е та́кожде кресто́мъ зна́менуетъ во́ду и тропа́рь пое́тъ то́й же. И пѣвце́мъ то́ же пою́щимъ. И тре́тіе та́кожде. И взе́мъ свяще́нникъ свяще́нную во́ду на блю́до и обратя́ся на за́падъ лице́мъ, въ лѣ́вой руцѣ́ держа́ честны́й кре́стъ, а въ пра́вой васильки́, [ кропи́тъ крестообра́зно на вся́ страны́ ] . И прихо́дитъ пре́жде настоя́тель и цѣлу́етъ честны́й кре́стъ, и зна́менуетъ его́ свяще́нникъ по лицу́ василько́мъ со свяще́нною водо́ю. Та́же свяще́нницы прихо́дятъ по чи́ну своему́. По тому́ же чи́ну и вся́ бра́тія. Пое́тся же тогда́ тропа́рь: В о Іорда́нѣ креща́ющуся Тебѣ́, Го́споди. мно́гащи, до́ндеже освяти́тся вся́ бра́тія водны́мъ кропле́ніемъ. И а́біе вхо́димъ во хра́мъ, и пое́мъ самогла́сенъ:

Сла́ва, и ны́нѣ, гла́съ 6:

В оспои́мъ, вѣ́рніи, * е́же о на́съ Бо́жія благодѣя́нія вели́чество: * о на́шемъ бо прегрѣше́ніи бы́въ Человѣ́къ, * на́шимъ очище́ніемъ очища́ется во Іорда́нѣ, * Еди́нъ Чи́стый и Нетлѣ́нный, * освяща́яй мене́ и во́ды * и главы́ зміе́въ сокруша́яй въ водѣ́. * Почерпе́мъ у́бо во́ду съ весе́ліемъ, бра́тіе: * благода́ть бо Ду́ха вѣ́рно почерпа́ющимъ * неви́димо подава́ется отъ Христа́ Бо́га * и Спа́са ду́шъ на́шихъ.

Та́же: Б у́ди имя Госпо́дне. [ Три́жды. ]. И псало́мъ 33-й: Б лагословлю́ Го́спода на вся́кое вре́мя.
И пре́жде пи́вше освяще́нную во́ду, взе́млемъ отъ свяще́нника анти́доръ.

И быва́етъ соверше́нный отпу́стъ: И же во Іорда́нѣ крести́тися изво́ливый отъ Іоа́нна, на́шего ра́ди спасе́нія, Христо́съ, Истинный Бо́гъ на́шъ, моли́твами Пречи́стыя Своея́ Ма́тере и всѣ́хъ святы́хъ, поми́луетъ и спасе́тъ на́съ, я́ко Бла́гъ и Человѣколю́бецъ. [ А ми́нь.]

Источникъ: Требникъ. — М.: Въ Сѵнодальной Типографіи, 1884. — Л. 67 – 72.

Чин великого освящения воды

В Навечерие Богоявления и сам праздник Крещения Господня в храмах совершается Чин великого освящения воды. Для лучшего понимания богослужения предлагаем вашему вниманию описание этого Чина и некоторые богослужебные тексты, входящие в его состав.

Воспоминание Иорданского события Церковь обновляет особым чином великого освящения воды. Священник через царские врата при пении тропарей «Глас Господень на водах…» выходит к сосудам, наполненным водой, неся на главе Честный Крест, и начинается освящение воды.

Освящение воды совершается также и в самый праздник после литургии (тоже после заамвонной молитвы).

Великое освящение воды в Навечерие и в самый праздник Православная Церковь совершает издревле, причем благодать освящения воды в эти два дня подается всегда одна и та же. В Навечерие освящение воды совершалось в воспоминание Крещения Господня, освятившего естество водное, а также крещения оглашенных, которое в древности совершалось в Навечерие Богоявления (Пост. Апост., кн. 5, гл. 13; историки: Феодорит, Никифор Каллист). В самый же праздник освящение воды бывает в воспоминание собственно события Крещения Спасителя.

Последование великого освящения воды как в Навечерие, так и в самый праздник одно и то же и в некоторых частях имеет сходство с последованием малого освящения воды. Оно состоит в воспоминании пророчеств, относящихся к событию Крещения (паримии), самого события (Апостол и Евангелие) и его значения (ектении и молитвы), в призывании благословения Божия на воды и троекратном погружении в них Животворящего Креста Господня.

На практике чин водоосвящения совершается следующим образом. После заамвонной молитвы (в конце литургии) или просительной ектении: «Исполним вечернюю молитву» (в конце вечерни) настоятель в полном облачении (как во время совершения литургии), а прочие священники только в епитрахили, поручах и фелони выходят через царские врата к священной купели в притвор или на источник.

Впереди идут священосцы со свечами, за ними следуют певцы с пением тропарей Глас Господень, диаконы с кадилами, священники и настоятель, несущий Честный Крест на непокрытой главе (обычно Крест полагается на воздухе).

Глас Господень на водах вопиет, глаголя: приидите, приимите вси Духа премудрости, Духа разума, Духа страха Божия, явльшагося Христа. [Трижды.]

Днесь вод освящается естество, и разделяется Иордан, и своих вод возвращает струи Владыку зря крещаема. [Дважды.]

Яко Человек на реку пришел еси, Христе Царю, и рабское крещения прияти тщишися, Блаже, от Предтечеву руку, грех ради наших, Человеколюбче. [Дважды.]

Слава, и ныне, глас тойже.

Ко гласу вопиющаго в пустыни, уготовайте путь Господень. Пришел еси, Господи, зрак рабий приим, крещения прося, не ведый греха: видеша Тя воды и убояшася. Трепетен бысть Предтеча, и возопи глаголя: како просветит светильник Света? Како руку положит раб на Владыку? Освяти мене и воды, Спасе, вземляй мира грех.

На месте водоосвящения Крест полагается на благоукрашенный стол, на котором должна стоять чаша с водой и тремя свечами. Во время пения тропарей настоятель с диаконом совершает каждение приготовленной к освящению воды (окрест стола трижды), а если вода освящается в храме, то кадит также алтарь, священнослужителей, певцов и народ.

По окончании пения тропарей диакон возглашает: Премудрость, и читаются три паремии (из книги пророка Исаии), в которых изображаются благодатные плоды пришествия Господа на землю и духовная радость всех, обращающихся ко Господу и причащающихся от живоносных источников спасения.

Три паремии^

Пророчества Исаиина чтение: ( Ис.35 )

Тако глаголет Господь: да возвеселится пустыня жаждущая, да возрадуется пустыня, и процветет яко крин, и да прозябнет, и вся возвеселятся. И возрадуются пустынная Иорданова, и слава Ливанова дана бысть ей, и честь Кармилова, и людие Мои узрят славу Господню, и высоту Божию. Укрепитеся руки ослабленныя, и колена разслабленная утешитеся. И рцыте малодушным мыслию, укрепитеся и не бойтеся: се Бог наш суд воздает, Той приидет и спасет нас. Тогда отверзутся очеса слепых, и ушеса глухих услышат: Тогда скочит хромый яко елень, и ясен будет язык гугнивых: яко проразися в пустыни вода, и дебрь в земли жаждущей. И будет безводная в блата, и в жаждущей земли источник воды будет: тамо будет веселие птиц, водворение сиринов, и тростий, и блата. Тамо будет путь чист, и путь свят наречется: и не мимоидет тамо нечист, ниже будет тамо путь нечистый, разсеяннии же пойдут по нему, и не заблудят. И не будет тамо льва, ниже зверей лютых взыдет нань, ниже обрящется тамо: но пойдут по нему избавленнии и собраннии от Господа. И обратятся, и приидут в Сион с веселием и радостию, и веселие вечное над главою их. Хвала и радование, и веселие постигнет их: отбеже болезнь, печаль и воздыхание.

Пророчества Исаиина чтение: ( Ис.55 )

Пророчества Исаиина чтение: ( Ис.12:3-6 )

Тако глаголет Господь: почерпите воду с веселием от источник спасения. И речеши в день он: исповедайтеся Господеви, и призовите имя Его, возвестите во языцех славу Его: помяните, яко вознесеся имя Его. Пойте имя Господне, яко высокая сотвори: возвестите сия по всей земли. Радуйтеся и веселитеся живущии в Сионе, яко вознесеся Святый Израилев посреде его.

Затем поется прокимен Господь просвещение мое читаются Апостол и Евангелие.

В Апостольском чтении (зачало 143-е: 1Кор.10:1-4 ) говорится о таинственном крещении иудеев в Моисея среди облака и моря, о духовной их пище в пустыне и питии от духовного камня, который был Христос.

Не хочу оставить вас, братия, в неведении, что отцы наши все были под облаком, и все прошли сквозь море;
и все крестились в Моисея в облаке и в море;
и все ели одну и ту же духовную пищу;
и все пили одно и то же духовное питие: ибо пили из духовного последующего камня; камень же был Христос.

В Евангелии (зачало 2-е: Мк.1:9-11 ) повествуется о Крещении Господа.

И было в те дни, пришел Иисус из Назарета Галилейского и крестился от Иоанна в Иордане.
И когда выходил из воды, тотчас увидел Иоанн разверзающиеся небеса и Духа, как голубя, сходящего на Него.
И глас был с небес: Ты Сын Мой возлюбленный, в Котором Мое благоволение.

После чтения Священного Писания диакон произносит великую ектению с особыми прошениями. В них содержатся моления об освящении воды силою и действием Святой Троицы, о ниспослании на воду благословения Иорданова и даровании ей благодати к исцелению душевных и телесных немощей, в отгнание всякого навета видимых и невидимых врагов, к освящению домов и на всякую пользу.

Во время ектении настоятель читает тайно молитву об очищении и освящении самого себя: Господи Иисусе Христе… (без возгласа). По завершении ектении священник (настоятель) громко читает освятительную молитву: Велий еси, Господи, и чудна дела Твоя… и прочее. В этой молитве Церковь умоляет Господа прийти и освятить воду для того, чтобы она получила благодать избавления, благословение Иорданово, чтобы она была источником нетления, разрешением недугов, очищением душ и телес, освящением домов и «ко всякой пользе изрядна». В середине молитвы священник трижды восклицает: Сам убо, Человеколюбче Царю, прииди и ныне наитием Святаго Твоего Духа и освяти воду сию и при этом каждый раз благословляет воду рукой, но персты в воду не погружает, как это бывает в таинстве Крещения. По окончании молитвы настоятель тотчас благословляет воду крестовидно Честным Крестом, держа его обеими руками и погружая трижды прямо (низводя в воду и возводя), и при каждом погружении Креста поет со священнослужителями тропарь (трижды): Во Иордане крещающуся Тебе, Господи…

Молитва^

Тропарь праздника^

Глас 1

Во Иoрдане крещающуся Тебе Господи, Троическое явися поклонение: Родителев бо глас свидетельствоваше Тебе, возлюбленнаго Тя Сына именуя: и Дух в виде голубине, извествоваше словесе утверждение, явлейся Христе Боже, и мир просвещей слава Тебе.

После этого, при многократном пении тропаря певцами, настоятель с Крестом в левой руке кропит крестообразно во все стороны, а также окропляет святой водой храм. После окропления положено петь стихиру на Слава, и ныне: Воспоим, вернии.

Стихира^

Слава, и ныне, глас 6:

Воспоим, вернии, еже о нас Божия благодеяния величество: о нашем бо прегрешении быв Человек, нашим очищением очищается во Иордане: Един Чистый и Нетленный, освящаяй мене и воды, и главы змиев сокрушаяй в воде. Почерпем убо воду с веселием братие: благодать бо Духа верно почерпающим невидимо подавается от Христа Бога, и Спаса душ наших.

Великая Агиасма^

Богоявленская святая вода называется в Православной Церкви великой Агиасмой – великой Святыней. К освященной воде христиане с древних времен имеют великое благоговение. На ектении великого освящения воды Церковь молится:

«О еже освятитися водам сим, и дароватися им благодати избавления (спасения), благословению Иорданову, силою и действием и наитием Святаго Духа…»

«О еже быти воде сей, освящения дару, грехов избавлению, во исцеление души и тела черплющим ю и емлющим, во освящение домов…, и на всяку пользу изрядну (сильную)…».

В этих прошениях и в молитве священника на освящение воды Церковь свидетельствует о многообразных действиях благодати Божией, подаваемой всем, с верою «черплющим и причащающимся» этой Святыни.

Святость воды очевидно для всех проявляется и в том, что она длительное время сохраняется свежей и неповрежденной. Еще в IV веке об этом в 37-й беседе на Крещение Господне говорил св. Иоанн Златоуст: «Христос крестился и освятил естество вод; и потому в праздник Крещения все, почерпнув воды в полночь, приносят ее домой и хранят во весь год. И так вода в существе своем не портится от продолжения времени, почерпнутая ныне целый год, а часто два и три года остается свежей и неповрежденной, и после толикого времени не уступает водам, только что почерпнутым из источника».

Эту Святыню Церковь употребляет для окропления храмов и жилищ, при заклинательных молитвах на изгнание злого духа, как врачевство; назначает ее пить тем, кто не может быть допущен до Святого Причащения. С этой водой и Крестом священнослужители в праздник Богоявления посещали раньше дома своих прихожан, окропляя их и жилища и, таким образом, распространяли благословение и освящение, начав с храма Божия, на всех чад Церкви Христовой.

В знак особого почитания Богоявленской воды как драгоценной великой Святыни в Крещенский Сочельник и установлен строгий пост, когда или совсем не полагается вкушение пищи до Крещенской воды, или допускается принятие малого количества пищи. Однако с надлежащим благоговением, с крестным знамением и молитвой можно пить святую воду без какого-либо смущения и сомнения и тем, кто уже что-нибудь вкушал, и во всякое время. Церковь в богослужебном Уставе (см.: Типикон, 6 января) дает на этот счет ясное и определенное наставление и разъяснение: те, которые отлучают себя от святой воды ради преждевременного вкушения пищи, «не добре творят». «Не вкушения ради ястия (пищи) нечистота в нас есть, но от скверных дел наших; очищени же от сих пием без сомнения сию святую воду» (См.: Типикон, 6 января, 1-е «зри»).

Последование малого освящение воды

Последование малого освящение воды

Диакон: Благослови́, влады́ко.

Священник: Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь. Сла́ва Тебе́, Бо́же наш, сла́ва Тебе́. Царю́ Небе́сный: Трисвятое. Пресвята́я Тро́ице: О́тче наш: Священник: Я́ко Твое́ есть Ца́рство: Чтец: Ами́нь. Го́споди, поми́луй, 12. Прииди́те, поклони́мся: трижды.

Псалом 142:

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.

Таже, Бог Госпо́дь: трижды, во глас 4.

Бог Госпо́дь и яви́ся нам, благослове́н Гряды́й во и́мя Госпо́дне.

Стих 1: Испове́дайтеся Го́сподеви, я́ко благ, я́ко в век ми́лость Его́.

Стих 2: Обыше́дше обыдо́ша мя и и́менем Госпо́дним противля́хся им.

Стих 3: Не умру́, но жив бу́ду и пове́м дела́ Госпо́дня.

Стих 4: Ка́мень, Его́же небрего́ша зи́ждущии, Сей бысть во главу́ у́гла, от Го́спода бысть Сей и есть ди́вен во очесе́х на́ших.

И настоящия тропари, глас 4:

К Богоро́дице приле́жно ны́не притеце́м, / гре́шнии и смире́ннии, и припаде́м, / в покая́нии зову́ще из глубины́ души́: / Влады́чице, помози́, на ны милосе́рдовавши, / потщи́ся, погиба́ем от мно́жества прегреше́ний, / не отврати́ Твоя́ рабы́ тщи, / Тя бо и еди́ну наде́жду и́мамы. [Дважды.]

Слава, и ныне:

Не умолчи́м никогда́, Богоро́дице, / си́лы Твоя́ глаго́лати, недосто́йнии: / а́ще бо Ты не бы предстоя́ла моля́щи, / кто бы нас изба́вил от толи́ких бед; / кто же бы сохрани́л до ны́не свобо́дны; / не отсту́пим, Влады́чице, от Тебе́, / Твоя́ бо рабы́ спаса́еши при́сно от вся́ких лю́тых.

Таже, псалом 50:

Таже, поем тропари сия, глас 6:

Е́же ра́дуйся А́нгелом прии́мшая / и ро́ждшая Зижди́теля Твоего́, / Де́во, спаса́й Тя велича́ющия. (дважды)

Воспева́ем Сы́на Твоего́, Богоро́дице, / и вопие́м: Пречи́стая Влады́чице, / вся́кия беды́ изба́ви рабы́ Твоя́.

Царе́м, проро́ком и апо́столом, /и му́чеником Ты еси́ похвала́ / и Предста́тельница мiру, Всенепоро́чная.

Язы́к всяк правосла́вных похваля́ет и блажи́т, / и сла́вит Пречи́стое Рождество́ Твое́, / Мари́е Богоневе́стная.

Даждь, Христе́ мой, и мне, недосто́йному, / долго́в оставле́ние, молю́ся, / Тя ро́ждшия моли́твами, я́ко Благоутро́бен.

На Тя моя́ упова́ния возложи́х, Богоро́дице, / спаси́ мя моли́твами Твои́ми, / да́руй ми прегреше́ний оставле́ние.

Оживи́ мя, ро́ждшая Жизнода́вца и Спа́са, / спаси́ моли́твами Твои́ми, / Благослове́нная, наде́ждо душ на́ших.

Зижди́теля всех во утро́бе Твое́й заче́ншая, / Де́во Всенепоро́чная, / моли́твами Твои́ми спаси́ ду́ши на́ша.

Богоро́дице, ро́ждшая сло́вом па́че сло́ва, / Сло́во, Всепе́тая, / Того́ моли́ спасти́ ду́ши на́ша.

Ми́лостива мне Судию́ же и Сы́на Твоего́, / прегреши́вшему па́че вся́каго челове́ка, / Твои́ми моли́твами соде́лай, Влады́чице.

По до́лгу вопие́м Ти: / ра́дуйся, Богоро́дице, Чи́стая Присноде́во, / моля́щеся моли́твами Твои́ми спасти́ся.

Изба́ви мя огня́ ве́чнаго / и мук, предлежа́щих мне, Богороди́тельнице, / я́ко да ублажа́ю Тя.

Не пре́зри моле́ния Твои́х рабо́в, / мо́лимся, Влады́чице Всепе́тая, / я́ко да изба́вимся вся́каго обстоя́ния.

Неду́гов и вся́ких боле́зней, / и бед нас свободи́, / к свяще́нному Твоему́ покро́ву прибега́ющих.

Стра́нное чу́до, е́же в Тебе́, Богороди́тельнице: / нас бо ра́ди по нам роди́ся / всех Зижди́тель из Тебе́ и Бог наш.

Храм Твой, Богоро́дице, / показа́ся врачевство́ неду́гов безме́здное / и оскорбля́емых душ утеше́ние.

Пресвята́я Богоро́дице, ро́ждшая Спа́са, / от бед спаси́ / и вся́кия ины́я ну́жды рабы́ Твоя́.

Изба́ви от вся́каго преще́ния, находя́щаго на рабы́ Твоя́, / Пресвята́я Влады́чице, / и вся́каго вре́да душе́внаго же и теле́снаго.

Спаси́ всех моли́твами Твои́ми, Де́во Богоро́дице, / к Тебе́ притека́ющих, / и изба́ви вся́кия ну́жды и ско́рби.

Кто, притека́яй в храм Твой, Богоро́дице, / не прие́млет ско́ро исцеле́ния / душе́внаго, вку́пе и теле́снаго, Пречи́стая?

От всех умоля́емь, Ще́дре, / святы́х и го́рних чино́в, / очи́сти мя Ро́ждшею Тя.

Пощади́, Спа́се, ду́ши уме́рших бра́тий на́ших / в наде́жди жи́зни / и осла́би, оста́ви им согреше́ния.

Ра́дуйся, мiра очисти́лище, Де́во, / ра́дуйся, ру́чко и све́щниче всезлаты́й, / Боже́ственныя ма́нны и све́та, Богоневе́сто.

Слава: Пое́м Тя, Бо́га, еди́наго в Тро́ице, / вопию́ще глас трисвяты́й, / моля́щеся спасе́ние получи́ти.

И ныне: О Де́во, ро́ждшая Спа́са / и Влады́ку мiра и Го́спода, / Того́ моли́ спасти́ ду́ши на́ша.

Ра́дуйся, горо́, ра́дуйся, купино́, / ра́дуйся, врата́, ра́дуйся, ле́ствице, / ра́дуйся, Боже́ственная трапе́зо, / ра́дуйся, всех по́моще, Влады́чице.

Моли́твами, Ми́лостиве, Ма́тере Твоея́ Пречи́стыя / и всех святы́х Твои́х / Твоя́ ми́лости лю́дем Твои́м да́руй.

Моли́твами сла́вных Арха́нгел и А́нгел, / и го́рних чино́в / рабы́ Твоя́, Спа́се, до́бре сохрани́.

Моли́твами честна́го и сла́внаго Крести́теля Твоего́, / Проро́ка, Предте́чи, / Христе́ Спа́се мой, рабы́ Твоя́ сохрани́.

Моли́твами сла́вных апо́столов и му́чеников, / и всех святы́х Твои́х / Твоя́ ми́лости лю́дем Твои́м да́руй.

Моли́твами сла́вных безсре́бренник, / Богоро́дице, рабы́ Твоя́ сохрани́, / я́ко еси́ предста́тельство мiра и утвержде́ние.

Слава: Отца́ и Сы́на славосло́вим, / и Ду́ха Свята́го, глаго́люще: / Тро́ице Свята́я, спаси́ ду́ши на́ша.

И ныне: Неизрече́нно в после́дняя заче́ншая / и ро́ждшая Созда́теля Твоего́, / Де́во, спаса́й Тя велича́ющия.

Таже: Милосе́рдия две́ри отве́рзи нам, / благослове́нная Богоро́дице, / наде́ющиися на Тя, да не поги́бнем, / но да изба́вимся Тобо́ю от бед: / Ты бо еси́ спасе́ние ро́да христиа́нскаго.

Таже диакон: Го́споду помо́лимся.

Лик: Го́споди, поми́луй.

Священник: Я́ко свят еси́, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Таже, настоящия тропари, глас 6:

Ны́не наста́ вре́мя, всех освяща́ющее, / и пра́ведный нас ждет Судия́, / но обрати́ся, душе́, к покая́нию, / я́ко блудни́ца, зову́щи со слеза́ми: / Го́споди, поми́луй мя.

Вода́ми одожди́вый, Христе́, исто́чник исцеле́ний, / во всечестне́м хра́ме Де́вы днесь / Твоего́ благослове́ния окропле́нием / отгоня́еши неду́ги немощству́ющих, / Врачу́ душ и теле́с на́ших.

Де́ва родила́ еси́ Неискусобра́чная / и Де́во пребыла́ еси́, Ма́ти Безневе́стная, / Богоро́дице Мари́е, / Христа́ Бо́га на́шего моли́ спасти́ся нам.

Пресвята́я Богоро́дице Де́во, / рук на́ших дела́ испра́ви / и проще́ние прегреше́ний на́ших испроси́, / внегда́ пе́ти нам а́нгельское пе́ние:

Святы́й Бо́же, / Святы́й Кре́пкий, / Святы́й Безсме́ртный, / поми́луй нас. Трижды.

Отпевше же по обычаю, и по трисвятом диакон глаголет: Во́нмем.

Священник: Мир всем.

Лик: И ду́хови твоему́.

Чтец, прокимен, глас 3:

Госпо́дь просвеще́ние мое́ / и Спаси́тель мой, кого́ убою́ся? Стих: Госпо́дь Защи́титель живота́ моего́, от кого́ устрашу́ся?

Чтец: Ко Евре́ем посла́ния свята́го апо́стола Па́вла чте́ние.

Апостол к Евреем, зачало 306.

Бра́тие, Святя́й и освяща́емии от Еди́наго вси, ея́же ра́ди вины́ не стыди́тся бра́тию нарица́ти их, глаго́ля: возвещу́ и́мя Твое́ бра́тии Мое́й, посреде́ Це́ркве воспою́ Тя. И па́ки: Аз бу́ду наде́яся Нань. И па́ки: се Аз и де́ти, я́же Ми дал есть Бог. Поне́же у́бо де́ти приобщи́шася пло́ти и кро́ви, и Той прии́скренне приобщи́ся те́хже, да сме́ртию упраздни́т иму́щаго держа́ву сме́рти, си́речь диа́вола. И изба́вит сих, ели́цы стра́хом сме́рти чрез все житие́ пови́нни бе́ша рабо́те. Не от А́нгел у́бо когда́ прие́млет, но от се́мене Авраа́мова прие́млет. Отню́дуже до́лжен бе по всему́ подо́битися бра́тии, да ми́лостив бу́дет и ве́рен Первосвяще́нник в тех, я́же к Бо́гу, во е́же очи́стити грехи́ людски́я. В не́мже бо пострада́, Сам искуше́н быв, мо́жет и искуша́емым помощи́.

Священник: Мир ти.

Чтец: И ду́хови твоему́.

Аллилуиа, глас 6.

Стих 1: Отры́гну се́рдце мое́ сло́во бла́го.

Стих 2: Глаго́лю аз дела́ моя́ царе́ви.

И посем возглашает диакон: И о сподо́битися нам слы́шанию свята́го Ева́нгелия Го́спода Бо́га мо́лим.

Лик: Го́споди, поми́луй, трижды.

Диакон: Прему́дрость, про́сти, услы́шим свята́го Ева́нгелия.

Священник: Мир всем.

Лик: И ду́хови твоему́.

Священник: От Иоа́нна свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Евангелие от Иоанна, зачало 14:

Во вре́мя о́но, взы́де Иису́с во Иерусали́м. Есть же во Иерусали́мех на о́вчей купе́ли, я́же глаго́лется евре́йски Вифесда́, пять притво́р иму́щи. В тех слежа́ше мно́жество боля́щих, слепы́х, хромы́х, сухи́х, ча́ющих движе́ния воды́. А́нгел бо Госпо́день на вся́ко ле́то схожда́ше в купе́ль и возмуща́ше во́ду, и и́же пе́рвее вла́зяше по возмуще́нии воды́, здрав быва́ше, яце́м же неду́гом одержи́м быва́ше.

Лик: Сла́ва Тебе́, Го́споди, сла́ва Тебе́.

Таже, диакон ектению:

Диакон: Ми́ром Го́споду помо́лимся.

Лик: Го́споди, поми́луй.

О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

О Вели́ком Господи́не и отце́ на́шем, Святе́йшем Патриа́рхе (имярек), и о господи́не на́шем Преосвяще́ннейшем митрополи́те (или архиепи́скопе, или епи́скопе) (имярек), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

О гра́де сем, (или о ве́си сей, или о святе́й оби́тели сей,) вся́ком гра́де, стране́ и ве́рою живу́щих в них, Го́споду помо́лимся.

Лик: Го́споди, поми́луй.

О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

О е́же освяти́тися вода́м сим си́лою и де́йствием, и наи́тием Свята́го Ду́ха, Го́споду помо́лимся.

Лик: Го́споди, поми́луй.

О е́же снизходи́ти на во́ды сия́ очисти́тельному Пресу́щныя Тро́ицы де́йству, Го́споду помо́лимся.

Лик: Го́споди, поми́луй.

О е́же бы́ти воде́ сей цели́тельной душ и теле́с, и вся́кия сопроти́вныя си́лы отгна́тельней, Го́споду помо́лимся.

Лик: Го́споди, поми́луй.

О е́же низпосла́ти Го́споду Бо́гу благослове́ние Иорда́ново и освяти́ти во́ды сия́, Го́споду помо́лимся.

Лик: Го́споди, поми́луй.

О всех тре́бующих от Бо́га по́мощи и заступле́ния, Го́споду помо́лимся.

Лик: Го́споди, поми́луй.

О е́же просвети́тися нам просвеще́нием ра́зума, Единосу́щною Тро́ицею, Го́споду помо́лимся.

Лик: Го́споди, поми́луй.

Я́ко да Госпо́дь Бог наш пока́жет ны сы́ны и насле́дники Ца́рствия Своего́, воды́ сея́ причаще́нием же и кропле́нием, Го́споду помо́лимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглас: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.