Молитва к 40 мученикам

Молитвы святым

Память: 9 / 22 марта, 9 / 22 августа

Тридцать девять христиан воинов и их страж Аглаий, замученные на озере рядом с армянским городом Севастий (Севас) — образец мужественности, крепкой веры и стойкости духа. Сорок мучеников Севастийских — небесные покровители воинов, им молятся о духовной помощи в гонениях и заточение, о дарование крепкой веры, о мужественности для перенесения испытаний.

Сорок мучеников Севастийских. Икона (таблетка). Новгород. Конец XV века

Тропарь первый сорока мученикам Севастийским, глас 1

Болезньми святых, имиже о Тебе пострадаша, умолен буди, Господи, и вся наша болезни исцели, Человеколюбие, молимся.

Тропарь второй сорока мученикам Севастийским, глас 1

Страстотерпцы всечестнии, воини Христовы четыредесяте, твердии оружницы, сквозе бо огнь и воду проидосте/ и Ангелом сограждане бысте, с нимиже молитеся Христу о иже верою хвалящих вас. Слава Давшему вам крепость, слава Венчавшему вас, слава Подавающему вами всем исцеления.

Тропарь третий сорока мученикам Севастийским, глас 3

Страстотерпцы Христовы четыредесяте, во граде Севастийстем мужественно пострадавшии, чрез огнь и воду прошедшии, в покой вечный вшедшии, молитеся о нас ко Господу, да жизнь мирну сохранит и души наша спасет, яко Человеколюбец.

Кондак сорока мучеников Севастийских, глас 6

Все воинство мира оставльше, на Небесех Владыце прилепистеся, страстотерпцы Господни четыредесять, сквозе огнь бо и воду прошедше, блаженнии, достойно восприясте славу с Небес/ и венцев множество.

Молитва первая второй сорока мученикам Севастийским

О святии славнии страстоносцы Христовы четыредесяте, во граде Севастии Христа ради мужественно пострадавшии, чрез огнь бо и воду проидосте, и яко друзи Христовы в покой Небеснаго Царствия вшедше, имате велие дерзновение ко Пресвятей Троице ходатайствовати о роде христианском: наипаче же о почитающих святую память вашу, и с верою и любовию вас призывающих. Испросите у всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову, и вашим предстательством одесную праведнаго Судии предстанем. Ей, угодницы Божии, будите нам защитницы от всех враг видимых и невидимых, да под кровом святых ваших молитв избавимся от всех бед, зол и напастей до последняго дне жизни нашея, и тако прославим великое и достопокланяемое имя вседетельныя Троицы, Отца и Сына и Святаго Духа, ныне и присно и во веки веков. Аминь.

Молитва вторая сорока мученикам Севастийским

О страстотерпцы Христовы, во граде севастийстем мужественно пострадавшии, к вам, яко молитвенникам нашим усердно прибегаем и просим: испросите у Всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову и вашим предстательством одесную Праведнаго Судии предстанем. Ей, угодницы Божии, будите нам, рабам Божиим (имена), защитницы от всех враг видимых и невидимых, да под кровом святых ваших молитв избавимся от всех бед, зол и напастей до последнего дне жизни нашея, и тако прославим великое и достопоклоняемое имя Вседетельныя Троицы, Отца и Сына и Святаго Духа, ныне и присно и во веки веков. Аминь.

Молитва к 40 мученикам

Б оле́зньми святы́х, и́миже о Тебе́ пострада́ша, / умоле́н бу́ди, Го́споди, / и вся на́ша боле́зни исцели́, // Человеколю́бче, мо́лимся.

Ин тропарь, глас 3:

С тpастоте́pпцы Хpисто́вы четы́pедесяте, / во гpа́де Севасти́йстем му́жественно постpада́вшии, / чpез огнь и во́ду пpоше́дшии, / в поко́й ве́чный вше́дшии, / моли́теся о нас ко Го́споду / да жизнь ми́pну сохpани́т // и ду́ши на́ша спасе́т, я́ко Человеколю́бец.

Ин тропарь, глас 1:

С трастоте́рпцы всечестни́и,/ во́ини Христо́вы четы́редесяте,/ тве́рдии ору́жницы,/ сквозе́ бо огнь и во́ду проидо́сте/ и А́нгелом согра́ждане бы́сте,/ с ни́миже моли́теся Христу́ о и́же ве́рою хва́лящих вас./ Сла́ва Да́вшему вам кре́пость,/ слава Венча́вшему вас,// сла́ва Подава́ющему ва́ми всем исцеле́ния.

В се во́инство ми́ра оста́вльше, / на Небесе́х Влады́це прилепи́стеся, / страстоте́рпцы Госпо́дни четы́редесять, / сквозе́ огнь бо и во́ду проше́дше, блаже́ннии, / досто́йно восприя́сте сла́ву с Небе́с // и венце́в мно́жество.

О, святи́и, сла́внии страстоте́рпцы Христо́вы, четы́редесяте, во гра́де Севасти́и Христа́ ра́ди му́жественно пострада́вшии, чрез огнь бо и во́ду проидо́сте, и я́ко дру́зи Христо́вы в поко́й Небе́снаго Ца́рствия вше́дше, и́мате ве́лие дерзнове́ние ко Пресвяте́й Тро́ице хода́тайствовати о ро́де христиа́нском: наипа́че же о почита́ющих святу́ю па́мять ва́шу, и с ве́рою и любо́вию вас призыва́ющих. Испроси́те у всеще́драго Бо́га проще́ние согреше́ний на́ших и жития́ на́шего исправле́ние, да в покая́нии и нелицеме́рной любви́ друг ко дру́гу пожи́вше, со дерзнове́нием предста́нем Стра́шному Суди́щу Христо́ву, и ва́шим предста́тельством одесну́ю Пра́веднаго Судии́ предста́нем. Ей, уго́дницы Бо́жии, бу́дите нам защи́тницы от всех враг ви́димых и неви́димых, да под кро́вом святы́х ва́ших моли́тв изба́вимся от всех бед, зол и напа́стей до после́дняго дне жи́зни на́шея, и та́ко просла́вим вели́кое и достопокланя́емое и́мя Вседе́тельныя Тро́ицы, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

О страстоте́рпцы Христо́вы, во гра́де севасти́йстем му́жественно пострада́вшии, к вам, я́ко моли́твенникам на́шим усе́рдно прибега́ем и про́сим: испроси́те у Всеще́драго Бо́га проще́ние согреше́ний на́ших и жития́ на́шего исправле́ние, да в покая́нии и нелицеме́рной любви́ друг ко дру́гу пожи́вше, со дерзнове́нием предста́нем Стра́шному Суди́щу Христо́ву и ва́шим предста́тельством одесну́ю Пра́веднаго Судии́ предста́нем. Ей, уго́дницы Бо́жии, бу́дите нам, раба́м Бо́жиим ( имена ), защи́тницы от всех враг ви́димых и неви́димых, да под кро́вом святы́х ва́ших моли́тв изба́вимся от всех бед, зол и напа́стей до после́днего дне жи́зни на́шея, и та́ко просла́вим вели́кое и достопоклоня́емое и́мя Вседе́тельныя Тро́ицы, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Новости

31 Октябрь 2019

Обновления на сайте

Добавлены молитвословия в разделы:

* Новомученикам и исповедникам XX века

Православные акафисты

Память: 9 / 22 марта, 9 / 22 августа

Сорок мучеников Севастийских. Фреска, 1547 год. Афон (Дионисиат)

Кондак 1

Избраннии страстотерпцы Христовы четыредесяте, во граде Севастийстем чрез огнь и воду прошедшии и в покой вечный вшедшии, песньми восхваляем вас, заступников наших. Вы же, яко имущий велие дерзновение ко Господу, от всяких нас бед свободите, любовию вам зовущих: Радуйтеся, святии четыредесяте мученицы Севастийстии, преславные чудотворцы.

Икос 1

Ангели Божии, хранители рода человеческаго, зряще пред мучителем дерзновенное ваше исповедание Христа, на подвиг страдальческий невидимо вас укрепляху. Мы же ведуще вас, подвиг сей добре совершивших, радостно взываем:

Радуйтеся, дерзновенным исповеданием Христа возвеселившие ангелы;

Радуйтеся, дивным терпением ваш им мучителей удивившии.

Радуйтеся, страдании вашими диавола посрамившии;

Радуйтеся, непобедимою силою Христовою противу невидимаго врага вооружившиися и вся злохитрости того на вы и козни победившии.

Радуйтеся, неисчетнаго мученическаго лика украшение;

Радуйтеся, земныя воинствующия Церкве сильнии помощницы.

Радуйтеся, святии четыредесяте мученицы Севастийстии, преславнии чудотворцы.

Кондак 2

Видя зверонравный мучитель веру мучеников, заключи их в темницу, Господь же благоутробный яве посети Своя рабы, похваляя начаток подвига их и увещевая неослабно оный совершити. Яко токмо претерпевый до конца венчается в Царствии Небесном, и сподобляется со ангелы пети: Аллилуиа.

Икос 2

Разум божественный от явльшагося вам Христа приимше, утвердистеся в страдальческом подвизе, святии страстотерпцы, и укоризну Агриколая мучителя в похвалу себе вменисте. Сего ради хвалебно Вам вопием:

Радуйтеся, разум правый боговедения стяжавший и волю свою воле Божией всецело предавшии;

Радуйтеся, вся прелести мирския и славу воинскую ради Христа нивочто вменившии.

Радуйтеся, ласканий мучителя не послушавшии и грозных того прещений не убоявшиеся;

Радуйтеся, темничное заключение ради Христа претерпевшии.

Радуйтеся, Спасителем мира во узах посещеннии, благими словесы от Него утешеннии и на подвиг укрепленнии;

Радуйтеся, яко с верою Вас почитающих в скорбех утешаете и от бед избавляете.

Радуйтеся, святии четыредесяте мученицы Севастийстии, преславнии чудотворцы.

Кондак 3

Сила Вышняго содела Вас, страстотерпцы святии, сильных в слове пред нечестивыми, темже не терпя дерзновения Вашего, гордый мучитель паки в темницу Вас вверже, в нюже радостно текосте, поюще Богу: Аллилуиа.

Икос 3

Имуще, страстотерпцы, в темнице сострадальца вашего Кириона блага себе учителя, укреплястеся в вере Христовой и по днех осмих ведени бывше на судище, безбоязненно предстасте Лисию-князю и Агриколаю-воеводе, мудре обличисте их нечестие. За таковое Ваше дерзновение приносим Вам сицевая хвалы:

Радуйтеся, в броню веры Христовой облеченнии и щитом благодати Его покровеннии;

Радуйтеся, единаго Христа паче всех возлюбившии и ради Его повеления беззаконныя мучителей презревшии.

Радуйтеся, силу Христову пред нечестивыми проповедавшии и всемогущество Божие яве показавшии;

Радуйтеся, яко и каменная метания Вам не прикасахуся.

Радуйтеся, яко та силою Божиею на метающих я возвращахуся;

Радуйтеся, яко и ныне молитвами вашими к Богу вражия стрелы от нас отражаете.

Радуйтеся, святии четыредесяте мученицы Севастийстии, преславные чудотворцы.

Кондак 4

Бурею злобы противу Христa дыша, гордый Лисий третицею вверже страдальцев в темницу, в нейже паки Христос явися, утешая, ободряя их и нетленныя венцы в Царствии Небеснем обещавая, они же сия слышавше, радостно пояху Богу: Аллилуиа.

Икос 4

Слышавше мучители твердое страстотерпцев Христа исповедание, осудиша я на всенощное в хладнем езере стояние, они же огнь любве божественныя в сердцах имуще, не убояхуся лютаго мраза, но единодушно славяще Бога, идоша на страдание. Мы же, терпению сих чудящеся, зовем сице:

Радуйтеся, добропобеднии Христовы исповедницы;

Радуйтеся, кумирослужения низложителие.

Радуйтеся, терпением лютаго мучения в покой вечный вшедшии;

Радуйтеся, болезньми страданий обретшии неизреченные блага.

Радуйтеся, драже и крепцыи четыредесяте камение;

Радуйтеся, Церковь Христову собою укрепляющии и осиявающии.

Радуйтеся, святии четыредесяте мученицы Севастийстии, преславные чудотворцы.

Кондак 5

Боготечнии звезды Христовы явистеся святии, в нощнем хладе во езере Севастийстем сияющии, ихже не прельсти теплая баня соблазна, но со ангелы Богу пояху: Аллилуиа.

Икос 5

Видевше святии, яко един от них отпаде, убоявся мраза нощнаго, и скрыся в теплой бане и абие умре: тепле взываху ко Господу, да их укрепит в подвизе страдания и прославит имя Свое. Мы же зовем вам сице:

Радуйтеся, славнии победоносцы, вся козни сопротивных победившии;

Радуйтеся, всю нощь нази во езере стоявшии.

Радуйтеся, единодушно тамо Господа призывавшии;

Радуйтеся, яко в терпении нашем помощь скорую Господь ниспосла вам.

Радуйтеся, яко свет божественный осия вас;

Радуйтеся, венцы пресветлии с небесе приявшии.

Радуйтеся, святии четыредесяте мученицы Севастийстии, преславнии чудотворцы.

Сорок мучеников Севастийских. Икона (таблетка). Новгород. Конец XV века

Кондак 6

Проповедницы дивнаго чудесе, стражие, в бани бывшии, поведаша, како в нощи свет небесный во езере облиста мученики, лед растопи, и хлад в теплоту преложи, еже слышавше мучителие паче злобою распаляхуся, не ведуще Богу пети: Аллилуиа.

Икос 6

Возсиявшу во езере свету небесному, возсия и в сердце единого от стражей благодать Божия, яко той совлекше ризы своя, ввержеся во езеро ко святым мучеником, восполняя место отпадшаго: и тако посрамися князь тьмы, ликовавый о умалении лика страдальцев, имже ныне вопием таковая:

Радуйтеся, Христовы страстотерпцы, молитвами и терпением вашим веселие диавола в печаль обратившии;

Радуйтеся, от злобы и коварства его верныя избавляющии.

Радуйтеся, в хладе воды благодатию Святаго Духа просветившиеся;

Радуйтеся, стоянием вашим во озере мысленнаго змия главу сокрушившии.

Радуйтеся, полная четыредесятнице Христу бодренно представшии;

Радуйтеся, верою и страданием ради Христа блаженство райское унаследовавшии.

Радуйтеся, святии четыредесяте мученицы Севастийстии, преславные чудотворцы.

Кондак 7

Хотяще чуднии страдальцы веру во Христа непорочно сохранити, славу воинскую и ласкания мучителей нивочтоже вменисте, и вся лютая мучения, аки бесплотнии, притерпесте, поюще Богу: Аллилуиа.

Икос 7

Новое и последнее святии прияша мучение, яко голени их сокрушени млатами быша, и тако скончаша подвиг страдания, прияша от Бога нетленнии венцы. Темже возглашаем в похвалу им сице:

Радуйтеся, прекраснии леторасли сада Иисусова, не секирами, но млатом посеченнии;

Радуйтеся, сосуды благодати Божией за имя Христово сокрушеннии.

Радуйтеся, страдальческий подвиг славно скончавшии;

Радуйтеся, от ликов ангельских в сожительство приятые.

Радуйтеся , от пророк и апостол, яки тех последователие, прелюбезно сретенные;

Радуйтеся, рода христианскаго слава великая.

Радуйтеся, святии четыредесяте мученицы Севастийстии, преславнии чудотворцы.

Кондак 8

Странную доблесть показа чудная матерь святаго Мелитона, видяще бо телеса мучеников везома на сожжение, своего же сына еще жива суща, взя на рамена своя, и той испусти дух свой Богу, поя: Аллилуиа.

Икос 8

Все зверонравие проявиша мучители, егда повелеша святыя телеса мученик сожещи огнем и прах их в реку воврещи, да истребится от земли память, их, обаче посрамишася; Господь же в роды вечныя прослави я пред ангелы и человеки; сего ради зовем им:

Радуйтеся, по словеси псалмопевца, чрез огнь и воду прошедшии;

Радуйтеся, страстем Христовым общницы.

Радуйтеся, врагов Христа низложителие;

Радуйтеся, ко Господу за христианы предстателие.

Радуйтеся, верные во правоверии утвердившии;

Радуйтеся, неусыпныя молитвенницы за род христианский.

Радуйтеся, святии четыредесяте мученицы Севастийстии, преславнии чудотворцы.

Кондак 9

Вси христиане зело удивишася, яко кости святых мученик чудесно нощию в реце яко звезды просияша, и честно собрани, по повелению святых, неоскудныя верным исцеления подают, да поем Богу: Аллилуиа.

Икос 9

Ветия древний пророчески, Божиим Духом озаренный, о кончине верных во псалтири пояше: проидохом сквозе огнь и воду, и извел ны еси в покой; вы же, святии мученицы, делом сие исполниша. Сего ради приимите от нас похвалы сицевыя:

Радуйтеся, соблюдшии до конца веру Христову;

Радуйтеся, страдании вашими, яко злато в горниле, очистившиеся.

Радуйтеся, предстателие великия к Богу, от бед нас спасающии;

Радуйтеся, в скорбех нам помогающии.

Радуйтеся, ко спасению душ нас наставляющии;

Радуйтеся, святии четыредесяте мученицы Севастийстии, преславнии чудотворцы.

Кондак 10

Спасению нашему споспешницы есте, святии страстотерпцы, темже усердно к вам прибегаем: помозите нам вашим предстательством ко Господу остающее время нашего жития в покаянии проводити и всегда благодарно Богу взывати: Аллилуиа.

Икос 10

Стеною молитв ваших оградите нас, святии мученицы, от всяких зол и козней вражиих, да охраняеми вами ублажаем вас сице:

Радуйтеся, Кирионе, Кандиде и Домне, божественнаго писания наставницы;

Радуйтеся, Агнине, Аетие славнии, на Небо духом возлетевшии.

Радуйтеся, Афанасие, Аглаие, Вивиане и Горгоние, Христа Бога возлюбившии;

Радуйтеся, Екдите, Гаие, Евноикие, Евтихие, Дометиане и Иоанне, души своя за Христа положившии.

Радуйтеся, Исихие, Ираклие, Кирилле, Клавдие, Лисимахе и Леонтие, небесная блага пoлyчившии;

Радуйтеся, Илиане и Илие, пророку Илие поревновавшии.

Радуйтеся, святии четыредесяте мученицы Севастийстии, преславнии чудотворцы.

Кондак 11

Пение хвалебное приносим Вам, святии мученицы, яко любве ради Христовы плоти своея не пощадисте. Темже и память Ваша, яко пресветлый светильник в Церкви сияет, верных духом озаряя, поющих Богу: Аллилуиа.

Икос 11

Светом небесным осиянных зрим вас, преславнии страстотерпцы Христовы, престолу бо Пресвятыя Троицы выну предстоите и о мире молитвы со дерзновением приносите: темже хвалебная вам взываем:

Радуйтеся, страстотерпцы Христовы Николае, Приске, Смарагде, Сакердоне, Севериане и Сисиние, злобы вражия победителие;

Радуйтеся, Филоктимоне и Феофиле, любве божественныя совершителие.

Радуйтеся, Худионе, Ксанфие и Флавие, воини Христовы премудрии;

Радуйтеся, Мелитоне, Фeoдуле и Валенте, раби Бога преславнии.

Радуйтеся, Христовы мученицы Валерие, Александре и Акакие;

Радуйтеся, весеннею памя тию вашею нам весну Христову возвещающии.

Радуйтеся, святии четыредесяте мученицы Севастийстии, преславнии чудотворцы.

Кондак 12

Благодатию обильно исполняется обитель Ксиропотамская, имущи честныя останки ваша, преславнии мученицы и чудотворцы, темже и нас память вашу светло совершающих, благодати Божия молитвами вашими исполняйте, да поем чудес подателю Богу: Аллилуиа.

Икос 12

Поюще честная страдания ваша, святии мученицы, прославляем Господа, вас укрепившаго и венцы нетленными венчавшаго, и яко теплых заступнков и ходатаев за род христианский, ублажаем сице:

Радуйтеся, звезды небесныя от Севастии возсиявшии;

Радуйтеся, яко луна духовная, на небо от земли возшедшии.

Радуйтеся, яко солнце мысленное, наша скорби просвещаете;

Радуйтеся, яко в трудех поста и молитвы нас утешаете.

Радуйтеся, четыредесяте крепцыи столпы Христовы Церкве;

Радуйтеся, всех верных хранителие и защитницы.

Радуйтеся, святии четыредесяте мученицы Севастийстии, преславные чудотворцы.

Кондак 13

О святии страстотерпцы Севастийстии, лести лукаваго славнии победоносцы, предстательством вашим у Господа испросите нам победу на душевредныя страсти и гордость житейскую, да в покаянии поживше, Небеснаго Царствия сподобимся, поюще Богу: Аллилуиа.

(Этот кондак читается трижды, затем икос 1 и кондак 1)

Молитвы святым сорока мученикам Севастийским

О святии славнии страстоносцы Христовы четыредесяте, во граде Севастии Христа ради мужественно пострадавшии, чрез огнь бо и воду проидосте, и яко друзи Христовы в покой Небеснаго Царствия вшедше, имате велие дерзновение ко Пресвятей Троице ходатайствовати о роде христианском: наипаче же о почитающих святую память вашу, и с верою и любовию вас призывающих.

Испросите у всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову, и вашим предстательством одесную праведнаго Судии предстанем. Ей, угодницы Божии, будите нам защитницы от всех враг видимых и невидимых, да под кровом святых ваших молитв избавимся от всех бед, зол и напастей до последняго дне жизни нашея, и тако прославим великое и достопокланяемое имя вседетельныя Троицы, Отца и Сына и Святаго Духа, ныне и присно и во веки веков. Аминь.

О страстотерпцы Христовы, во граде севастийстем мужественно пострадавшии, к вам, яко молитвенникам нашим усердно прибегаем и просим: испросите у Всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову и вашим предстательством одесную Праведнаго Судии предстанем. Ей, угодницы Божии, будите нам, рабам Божиим (имена), защитницы от всех враг видимых и невидимых, да под кровом святых ваших молитв избавимся от всех бед, зол и напастей до последнего дне жизни нашея, и тако прославим великое и достопоклоняемое имя Вседетельныя Троицы, Отца и Сына и Святаго Духа, ныне и присно и во веки веков. Аминь.

Текст и значение молитвы святым 40 мученикам Севастийским

История и сила молитвы

В минуты смуты и отчаяния верующие христиане обращаются ко Всевышнему, вопрошая о Его благодати, почитают святых угодников, просят защиты и покровительства. Среди множества иконографических изводов особой силой, со слов церковных служителей, обладает икона «Сорок мучеников Севастийских».

Столкнувшись с неприятностями и различными трудностями на жизненном пути, православные христиане читают молитву 40 мученикам Севастийским. Перед данной святыней можно просить:

• вернуть утраченную веру во Всевышнего;
• восстановить душевное равновесие, покой и умиротворение;
• излечить душу и тело от различных недугов;
• прогнать смуту, смятение, отчаяние и чувство безысходности;
• даровать умение и силы достойно преодолевать все трудности и беды, возникающие на жизненном пути;
• научить отстаивать свою точку зрения и обрести умение справляться с нехваткой душевной стойкости.

День памяти в честь сорока страдальцев припадает на 22 марта (согласно старому календарю – 9 марта). В православной религии данный праздник относится к не переходящим. В день памяти облегчается строгость Великого поста и проводятся песнопения Литургии Преждеосвещенных Даров.

Читать молитву 40 мученикам Севастийским можно как в храме во время проведения службы, так и в домашних условиях. Как утверждают священнослужители и уверовавшие в высшие силы христиане, молитва будет услышана только тогда, когда она будет идти от самого сердца. Обращаться с различными просьбами и мольбами к Богу, Пресвятой Богородице и святым великомученикам можно во время утренней или вечерней молитвы, уединившись и отстранившись от дел мирских, изгнав из сердца злобу, ненависть и отчаяние, выбросив из головы греховные мысли и желания.

Сорок Севастийских мучеников представляют собой образец мужественности, стойкости духа и крепости веры.

В 320 году во время правления римского императора Лициния тридцать девять воинов-христиан и страж Аглай приняли мученическую смерть, не желая отрекаться от веры в Иисуса Христа.

Воины из Каппадокии (территория современной Турции), состоящие в составе римского войска, несли службу в городе Севастии. Военачальник Агрикола потребовал, чтобы военнослужащие отреклись от христианской веры и принесли жертвы языческим богам. Воины-христиане отказались выполнять данный приказ. За неповиновение их отправили в покрытое льдом озеро. Рядом с озером военачальник римского войска велел установить теплую баню, чтобы желающие отречься Иисуса Христа и христианской веры могли там отогреться.

Воины простояли всю ночь в ледяной воде. Ранним утром один из военнослужащих не выдержал и побежал в баню. Едва переступив порог бани, он сразу же умер. Больше никто из воинов христианской веры не возжелал отречься от Иисуса Христа.

Видя стойкость духа и мужество православных военнослужащих, один из римских воинов по имени Аглай ступил в ледяное озеро и присоединился к ним. Согласно преданию, служащие римского войска, действуя по приказу военачальника, перебили мужественным христианам голени и сожгли их на костре. Обугленные кости мучеников были выброшены в воду.

Однажды ночью епископу Севастийскому, блаженному Петру во сне явилось сорок мучеников и велели предать их останки земле. Епископ и несколько клириков собрали останки усопших и с честью их похоронили.

Видео «Молитва 40 Севастийским мученикам»

В этом видео вы можете прослушать аудиозапись молитвы 40 Севастийским мученикам.