Молитва Иоанну киевскому Чудотворцу

Молитва Иоанну киевскому Чудотворцу

О священная главо, ангеле земный и человече небесный, преподобне и богоносне отче наш Ионо,
изрядный угодниче Пресвятыя и Единосущныя Троицы,
являющий многия милости живущим во святей обители твоей, и всем,
с верою и любовию притекающим к тебе.

Испроси нам вся благопотребная к житию сему временному, и нужная к вечному спасению нашему.
Пособствуй предстательством твоим, угодниче Божий, всем нам, к мощем твоим святым припадающим,
на враги видимыя и невидимыя одоление,
да в мире глубоце пребудет Святая Православная Церковь Христова,
и в благоустроении зиждется обитель, юже ты основа, во всяком благочестии нерушимо.

Буди всем нам, чудотворче святый, помощник скорый во всякой скорби и обстоянии.
Наипаче же в час кончины нашея явися нам заступник благосердный,
да не предани будем на мытарствах воздушных власти злобнаго миродержца,
но да сподобимся непреткновеннаго восхода в Царствие Небесное.

Ей, отче, молитвенниче наш присный!

Не посрами упования нашего, не презри смиренная моления наша,
и предстательствуй за нас пред престолом Живоначальныя Троицы,
да сподобимся вкупе с тобою и со всеми святыми, мы недостойнии,
в селениих райских славити величие,
благодать и милость Единаго в Троице Бога, Отца и Сына и Святаго Духа, во веки веков.
Аминь.

Тропарь преподобному Ионе , глас 4

Яко лучезарное солнце от конец земли возсиявшее, явился еси днесь напоследок дний,
тезоименитому пророку подобяся во еже воздвигнути люди к покаянию.
Темже и сама Пречистая с сонмом святых тебе многажды явишася,
Еяже повелением создана бысть обитель во имя Живоначальныя Троицы.
К Нейже имея дерзновение, моли, преподобне отче наш Ионо,
подати нам милость и оставление грехов в день судный.

Чистотою душевною божественно вооружився, и непрестанныя молитвы яко копие вручив крепко,
пробол еси бесовская ополчения Ионо отче наш.
Моли непрестанно о всех нас.

Тропарь перенесению мощей преподобнаго Ионы , глас 4

Днесь пресветло красуется стольный град Киев,
яко светоучными зарями, молниями чудес твоих осияемь,
всю вселенную созывает похвалити тя, Богомудре Ионо;
пречестная же славная обитель твоя,
юже во Имя Святыя Троицы многими труды твоими создал еси, отче,
имущи в себе стада ученик твоих, веселия и радости исполняется.

Мы же, празднующе преславное обретение честных мощей твоих, в земли сокровенных,
яко цвет благоуханен и кадило благовонно, любезно я лобызающе,
различная исцеления приемлем и твоими моливами грехов прощения сподобляемся,
отче преподобне Ионо, моли Святую Троицу спасти души наша.

Наследник отцев был еси, преподобне, тех последуя житию и учению,
обычаю и воздержанию, молитве же и предстоянию.

С нимиже, имея дерзновение ко Господу, прощение согрешений и спасение испроси вопиющим ти:
радуйся, отче Ионо.

Отче Ионо, моли Бога о нас!

Святителю отче наш, Феодосие, моли Бога о нас!

© 2009-2019 Храм свт.Феодосия Черниговского
(03179 Киев, ул. Чернобыльская, 2. тел. +38 066-996-2243)

По благословению Блаженнейшего Владимира, Митрополита Киевского и Всея Украины.

Главный редактор — протоиерей Александр Билокур , Ответственный редактор — Елена Блайвас, Технический редактор — Александр Перехрестенко

Молитвы Иоанну Новому (Сочавскому)

К святому Иоанну обращаются за помощью в торговле, о материальном благополучии и о спасении от нищеты.

Молитва первая

Святый великомучениче Иоанне!

Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш,

моли Христа Бога, да, человеколюбив и многомилостив сый, сохранит нас от всякаго лютаго обстояния:

от труса, потопа, огня, меча, нашествия иноплеменников и междоусобныя брани.

Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления.

Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию.

Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия,

да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей,

да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа,

Емуже подобает всякая слава, честь и держава со Отцем и Святым Духом, ныне и присно и во веки веков.

Молитва вторая

О святый угодниче Божий, Иоанне!

Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его.

Темже взирающе на святый твой образ, радуемся о преславнем скончании жительства твоего и чтем святую память твою.

Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским,

да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим,

аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков.

Молитва третья

Святый, славный и всехвальный Великомучениче Христов, Иоанне, несумненный ходатаю нашего спасения.

Молим Тя раби Твои, собрании днесь в Божественнем Твоем храме и раце святых мощей поклоняющиеся;

милостив буди якоже нам, тако и далече отстоящим и на помощь Тя призывающим и мученическая Твоя страдания похвалами ублажающим.

Испроси нам всем у Многомилостиваго Господа Бога и Спаса нашего Иисуса Христа прощения и оставления грехов до сего дне и часа содеянных нами.

Сохрани нас невредимых от всех козней лукаваго и ненаветну жизнь нашу соблюди от всех зол душевных и телесных;

Молитвы Иоанну Рыльскому

К святому Иоанну молятся:

— о даровании здоровья и исцелении,
— о тяжело больных детях (аутизм),
— о детях, которые никак не могут начать говорить,
— о защите от порчи, сглаза и злых людей.

Молитва первая

О, преподобне и Богоносне отче наш Иоанне, зрителю неизреченныя славы в Небеснем Царствии и помощниче благодатный всем к тебе притекающим,

не остави места сего, на немже труды и подвиги о Христе подъял еси и землю слезами твоими оросил еси!

Да пребудет обитель твоя, в нейже благоволи Бог святым твоим мощем почивати, незыблема от ухищрений врагов видимых и невидимых.

Укрепи в доброделании чада твоя, ихже во обитель твою собрал еси, яко да познают звание свое и последуют стопам твоим.

Страну нашу в мире соблюди, православным людем во бранех на сопротивныя споборствуй.

Посети с высоты Небесныя всех, верно к тебе притекающих и просящих твоего крепкаго заступления:

в мори плавающих управи, житейскаго моря волнение утиши, церковныя раздоры укроти, мир всему миру у Господа испроси, болящих уврачуй спасительным посещением,

скорбных утеши благодатию, всем буди вся, якоже был еси в земнем житии твоем.

Сотвори о нас к Богу молитву, дана бо ти есть благодать молитися за ны, яко да сподобимся твоим ходатайством улучити вечное блаженство купно с тобою и всеми святыми во Христе Иисусе, Господе нашем, Емуже подобает всякая слава, честь и поклонение со Отцем и Святым Духом во веки веков.

Молитва вторая

Земная звездо чудесная, облиставшая пределы града Средца, предивный постниче и угодниче Божий, отче Иоанне,

преподобных радование, Церкве Болгарския украшение, крепкий адаманте веры Православныя и живый свещниче, всю землю Болгарскую светом правды Божия осиявый!

Ты еси скорый помощник с верою и любовию к тебе притекающим и великий предстатель пред Господем о всех нас.

Приими, преблаженне, наша моления и умоли Христа Бога нашего, да вси тобою наставляемии людие словенстии пребывают союзом братския любве связуеми, в мире и благочестии,

и да избавит их Господь и вся грады и страны христианския от враг видимых и невидимых и от нашествия иноплеменник, от недуга и глада, и всякия скорби, наипаче же от искушений врага темнаго.

Предстоящим же зде и молящимся пред пречистым твоим образом испроси, преподобне, у Господа Бога нашего вся,

иже ко спасению своему они просят, да вси с тобою прославляем Всесвятое имя Отца и Сына и Святаго Духа, ныне и присно и во веки веков.

Молитва третья

О, великий и предивный чудотворче, преподобне Иоанне, приими моление наше и не отвратися от нас, к твоему заступлению прибегающих:

никогдаже бо отвращался еси от приходивших к тебе с печальми своими во дни земнаго твоего жития;

вемы же, коликая знамения милосердия являл еси и по преставлении твоем людем православным!

Услыши и нас ныне, велиими скорбьми обдержимых, нашедшими на ны в лукавыя дни сия, егда диавол чрез пагубныя козни своя тщится попрати Церковь Святую, лишити же нас спасения вечнаго и благ временныя жизни!

Испроси нам у Господа Иисуса Христа прощения грехов, а наипаче греха непослушания Матери нашей Церкви!

Даруй нам сокрушение сердца, во еже со умилением неуклонно приступати ко святому Таинству Покаяния, яко да не во осуждение и погибель будет нам причащение Тела и Крове Христовых, но во здравие и спасение.

Отжени от нас дух братоненавидения, даруй нам дух любве и мира к братскому единению всех людей твоих!

Соеди всех нас любовию ко Христу и Его Церкве Православней, яко да соблюдающе спасительную волю Его, истинная чада Божия будем!

Буди нам путевождь во вся дни наша, яко да присно в благодати Духа Святаго суще в чистоте веру содержим и волю Господню до самыя смерти сотворим!

В час же кончины нашея явися нам представити души наша к престолу Божественнаго Судии и рещи Ему: «Се аз и дети моя»,

яко да твоим заступлением вечных мук избавльшеся, неизреченное блаженство Небеснаго Царствия Христова наследим купно с тобою и всеми святыми во веки веков.

Молитва Иоанну киевскому Чудотворцу

Православный Календарь » Акафисты » Иоа́нн Рыльский » Акафист преподобному Иоанну, Рыльскому чудотворцу и пустынножителю

Акафист преподобному Иоанну, Рыльскому чудотворцу и пустынножителю

Кондак 1

Избранный Богом и предивный житием, преподобне Иоанне, от юности Христа возлюбив, путем тесным к Нему шествовал еси; велиих же ради подвигов твоих и слез излияний дарованьми Духа Святаго обогатился еси. Темже яко велие ко Святей Троице дерзновение имуща ублажаем тя, просяще: от всяких нас бед свободи, зовущих: радуйся, преподобне Иоанне, Рыльский чудотворче, славо и радосте наша.

Икос 1

Ангел земный и человек небесный был еси, преподобне Иоанне. Како убо славу твою воспоем достойно, многими немощьми обдержимии? Но сам вложи песнь хвалебную во ycта нас, зовущих:

Радуйся, от родителей благочестивых рожденный; радуйся, ими в страсе Божии добре воспитанный.

Радуйся, из младенства от Церкве николиже отступивый; радуйся, тоя священными ученьми благодатный разум стяжавый.

Радуйся, заповедей Господних блюстителю верный; радуйся, пощений и бдений непрестанных делателю усердный.

Радуйся, по смерти родителей наследие свое убогим раздавый; радуйся, жития ради добраго гонение от человеков лукавых подъявый.

Радуйся, клеветы неправедныя претерпевый; радуйся, досаждения с кротостию понесый.

Радуйся, любовию Серафимскою вслед Христа последовавый; радуйся, ея ради путь узкий иночества избравый.

Радуйся, преподобне Иоанне, Рыльский чудотворче, славо и радосте наша.

Кондак 2

Видя мира сего суету, преподобне Иоанне, невозвратно того отвратитися потщался еси; ничтоже бо тебе от Христа можаше разлучити: ни узы сродства, ни юность твоя, ниже слава мира сего и красота. Сия убо вся ни во чтоже вменив, якоже елень на источники водныя, к Богу востекл еси, вопия Ему: Аллилуиа.

Икос 2

Разуму божественному покорился еси, блаженне, егда Господа в видении соннем узрел еси, от земли твоея изыти повелевающа ти и место спасения твоего показующа, и вся, яже в мире презрев, во обитель Руенскую вселился еси, идеже образ иноческий восприял еси. Сего ради вопием ти таковая:

Радуйся, житие иноческое возлюбивый; радуйся, противу греха воинствовати даже до смерти восхотевый.

Радуйся, купно с власы своими мирская вожделения отложивый; радуйся, с ненасытною жаждею к подвигом иноческим себе устремивый.

Радуйся, в предняя простираяся, задняя забвению предавый; радуйся, сладость жительства уединеннаго в себе обретый.

Радуйся, любве ради божественныя житие пустынное возлюбивый; радуйся, вины ради сея место пострига своего оставивый.

Радуйся, к горе, в видении тебе явленней, пришедый; радуйся, ничтоже имеяй, в колибе хврастней себе вселивый.

Радуйся, дивный пустынножителю; радуйся, Иоанна Крестителя подражателю.

Радуйся, преподобне Иоанне, Рыльский чудотворче, славо и радосте наша.

Кондак 3

Силою Духа Святаго осеняем в пустыни вселился еси, Иоанне, безмолвное житие провождати, с Богом невозбранно беседовати, Того ангельски непрестанно славословити, лучами света Божественнаго озарятися, за вся же люди и мир Спасителю Богу молитися, поя Ему присно: Аллилуиа.

Икос 3

Имея желание огнепальное боговидения Моисейскаго, преподобне, на гору возшел еси явления божественныя славы восприяти, ихже око не виде и ухо не слыша и яже на сердце человеку не взыдоша. И кто возможет изрещи вся подвиги твоя, в безмолвии сотворенныя? Но мы, дивящеся житию твоему, сице взываем ти:

Радуйся, бремя подвиг велиих на рамена своя возложивый; радуйся, житием твоим Ангелов удививый.

Радуйся, яко не хлебом, но былием травным себе питал еси; радуйся, и того бо зело мало по захождении солнца вкушал еси.

Радуйся, жажду водою в меру утолявый; радуйся, купно с пророком «скотен бых у Тебе» Богу вопиявый.

Радуйся, яко потоки слез от очей твоих источал еси; радуйся, молитвы бо твоя непрестанно Богу возсылал еси.

Радуйся, подвиги сими от страстей себе очистивый; радуйся, бесов в зверине образе тебе устрашити тщащихся посрамивый.

Радуйся, адаманте, козньми вражиими несокрушимый; радуйся, во всех искушениих и напастех всегда с Богом бывый.

Радуйся, преподобне Иоанне, Рыльский чудотворче, славо и радосте наша.

Кондак 4

Бурю напастей демонских укротити восхотев, в пещеру некую зело мрачную вселился еси, преподобне Иоанне, порабощая тело твое и лишаяся света солнечнаго, яко да не лишишися Божественнаго Света в Царствии Господа твоего и да поеши Ему тамо со всеми святыми: Аллилуиа.

Икос 4

Слышав о тебе, преподобне, сын брата твоего, Лука отрок, и родителей утаився, к тебе в пустыню приде и тобою наставляем восприя подвиги твоя. Мы же силою благодати твоея ужасаеми, вопием ти сице:

Радуйся, Светом Божественным южика своего озаривый; радуйся, дитя малое пустынна жителя соделавый.

Радуйся, от злобы древния сего ради напасть новую приемый; радуйся, клевету в похищении отрока претерпевый.

Радуйся, от брата своего поругания понесый; радуйся, детище от тебе отторженное благословением укрепивый.

Радуйся, молитвою слезною диаволи посрамивый; радуйся, отрока от змия ужаленнаго смертию с Господем соединивый.

Радуйся, цвете райский на камени гор Рыльских прозябый; радуйся, от Камене Божественнаго водою живою обильно напоенный.

Радуйся, таинниче Божий, в пустыни не утайвыйся; радуйся светильниче Христов во мраце пещернем просветивыйся.

Радуйся, преподобне Иоанне, Рыльский чудотворче, славо и радосте наша.

Кондак 5

Боготечней звезде подобни суть святии человецы: не точию бо сами ко Христу шествуют, но и прочиим людем спасения путь указуют. Сего ради вселукавый творит им напасти, якоже и тебе, Иоанне: нападе бо на тя во образе разбойник, иже избивше тя, отгнаша от пещеры первыя. Тогда ты в пустыню Рыльскую глубочае вшед, в дупло дуба великаго вселился еси, во еже большими труды Господа твоего прославляти и пети Ему: Аллилуиа.

Икос 5

Видя Господь толикое озлобление твое, преподобне, повеле земли да израстит слануток тебе в напитание; славна же тя яви пастырем, близ пустыни тоя обретшимся, да и мы купно с видевшими дивная дела твоя вопием тебе таковая:

Радуйся, от демонов велия страдания приемый; радуйся, воине Христов непобедимый.

Радуйся, не до конца от них озлобленный; радуйся, Христа покровом всемогущим покровенный.

Радуйся, пред лицем пастырей от Господа прославленный; радуйся, обретшим тя житие твое неволею известивый.

Радуйся, злаком чудесным тех напитавый; радуйся, отшедших их чудом дивным наставивый.

Радуйся, прочиим людем от них проповеданный; радуйся, от приходивших к тебе дарований Божиих не скрывый.

Радуйся, зело страждуща бесна молитвою слезною исцеливый; радуйся, к совершению чудесе сего всю надежду на Бога возложивый.

Радуйся, преподобне Иоанне, Рыльский чудотворче, славо и радосте наша.

Кондак 6

Проповедницы должни есмы быти смирения твоего, преподобне Иоанне, явленнаго пред исцелением беснаго в молитве твоей сицевой: «Боже милосердный, несмь достоин именовати Твое имя моими нечистыми усты!» Сего ради тщимся убо и мы во смирении молитися Господеви и пети Ему: Аллилуиа.

Икос 6

Возсиявшу ти чудесы велиими, множайшую к тебе веру и любовь возимеша людие православнии. Но славе твоей по всей Болгарстей стране прошедшей, востав изшел еси от дуба, славы человеческия бегая. Темже смирения ради твоего ублажаем тя сице:

Радуйся, смирение божественное возлюбивый; радуйся, славу человеческую возненавидевый.

Радуйся, гласа Христова к смирению призывающа, послушавый; радуйся, словеса Писания еже не нам, но имени Божию славу даяти, присно соблюдавый.

Радуйся, высокая достигнувый и ни киих дел благих в себе не видевый; радуйся, древу плодоносну, ветвьми низу клонящуся, подобен бывый.

Радуйся, смирением Давиду, рекшему «аз есмь червь, а не человек», поревновавый; радуйся, купно с пророком Исаиею «о, окаянный аз» вопиявый.

Радуйся, со апостолом грешника себе перваго нарицавый; радуйся, во смирении своем Самому Господу подражавый.

Радуйся, тщеславию доблественне противоставый; радуйся, сие яко прах земный ногами поправый.

Радуйся, преподобне Иоанне, Рыльский чудотворче, славо и радосте наша.

Кондак 7

Хотящу ти страдания большая подъяти пламенныя ради ко Христу любве твоя, столпнику дивному Симеону уподобился еси, на камень возшед, преподобне Иоанне, во дни и нощи аки бесплотен молитву дея, слезами камень омакая и единому токмо Богу беседовати желая. Мы же на подвиг сей взирающе, прославляем всемогущаго Бога в тебе дивнаго и поем Ему: Аллилуиа.

Икос 7

Новаго подвига твоего, блаженне, не стерпев диавол, поемлет с собою легион бесов, иже с камене тя в пропасть глубокую свергоша. Но ты с трудом велиим востав, паки на камень возшел еси творити молитвы твоя и дивящихся воставляеши звати ти:

Радуйся, ко Христу любовь велию стяжавый; радуйся, сего ради тяжце от полков демонских пострадавый.

Радуйся, страдания сия ни во чтоже вменивый; радуйся, Христа паче жизни твоея возлюбивый.

Радуйся, ни чим же от Христа разлученный; радуйся, Им сего ради возлюбленный.

Радуйся, служения ангельскаго сподобивыйся; радуйся, от руки Ангела хлебом питавыйся.

Радуйся, любовию ко Христу вся диавольская искушения победивый; радуйся, тою вся Христа заповеди соблюдый.

Радуйся, любве ради сея токмо славы Божественныя искавый; радуйся, сего ради от Господа прославленный.

Радуйся, преподобне Иоанне, Рыльский чудотворче, славо и радосте наша.

Кондак 8

Странный образ жития твоего, велие смирение и любовь твоя ко Христу приумножиша в тебе благодать, яже ти в крещении Христовых ради страстей и смерти крестныя даровася. Сего ради сотвори тя Господь солнце духовное Православныя Церкве, да просвещаются тобою чада ея ко спасению и да вопиют Богу: Аллилуиа.

Икос 8

Весь был еси сосуд избран Божия благодати, великий Иоанне, на тебе исполнися Крестителя слово, яко не в меру Бог дает Духа. Киими благодатными дарованьми не увенча тя Бог? Киими явленьми благодати не исполнено бысть твое житие? Темже на тя взирающе, приносим ти похвалы сия наша:

Радуйся, дар смирения Христова стяжавый; радуйся, слез и умиления благодать снискавый.

Радуйся, чистотою и целомудрием от Бога украшенный; радуйся, верою чудодейственною озаренный.

Радуйся, не токмо Христу веровавый, но и страдания за Него понесый; радуйся, даром ревности по Бозе увенчанный.

Радуйся, любве к ближним исполненный; радуйся, даром Божественнаго ведения сподобленный.

Радуйся, даром прозорливства просиявый; радуйся, дарование молитвы непрестающия имый.

Радуйся, до конца надежду будущаго блаженства сохранивый; радуйся, блаженство сие еще в жизни сей предвкусивый.

Радуйся, преподобне Иоанне, Рыльский чудотворче, славо и радосте наша.

Кондак 9

Всякое дарование Духа Святаго восприимшу ти, преподобне Иоанне, достиже вещание твое благочестиваго царя Петра, иже видети тя вожделев посла к тебе девять мужей. Ты же алчных их быти духом разумев, малым хлебом напитал еси, иже преславное чудо сие видевше, вопияху Богу: Аллилуиа.

Икос 9

Ветии мира сего не разумеют, како царь Петр, сый во славе своей, к тебе с дары устремися, блаженне, и зело опечалися, не возмогий стремнин ради горных ко святыни твоей приблизитися: но мы, словеса Господа поминающе, ко всем людем реченная, «ищите прежде царствия Божия и правды Его», вопием ти:

Радуйся, яко Царство Небесное на земли достигл еси; радуйся, Царство бо сие, пришедшее в силе, яви ти Господь.

Радуйся, яко Царство Божие в стяжании благодати людем явил еси; радуйся, во плоти бо сый блаженство райское в себе таил еси.

Радуйся, яко бисер многоценный стяжав, суету благ временных показал еси; радуйся, яко правду и мир и радость о Дусе Святе имел еси.

Радуйся, сиянием бо благодати славу царскую затмил еси; радуйся, яко сокровище небесное имый, даров царских не приял еси.

Радуйся, яко зрети друг друга в небесном царствии царю Петру обещал еси; радуйся, яко царя в Писании твоем милосерда и Церкви послушна быти увещал еси.

Радуйся, яко покаянию царя научил еси; радуйся, яко покаяния ради царство вечное ему предрекл еси.

Радуйся, преподобне Иоанне, Рыльский чудотворче, славо и радосте наша.

Кондак 10

Спасти хотя себе до конца от козней вражиих, преподобне Иоанне, пребыл еси в подвизе стояния на камени седмь лет и четыре месяцы. Мнози же поревновавше тебе, близ камене твоего церковь создаша и обитель составиша, начальника тя перваго и пастыря имуще, да возсылается оттуду присно хвалебная Богу песнь: Аллилуиа.

Икос 10

Стена непреоборима бысть ти смирение твое даже до смерти, блаженне Иоанне; разумев бо время отшествия твоего, моление слезное Богу вознесл еси, глаголя: «Отче Вседержителю, ничтоже на земли благо сотворих! Сего ради молю Тя повелети Ангелу благу прийти, да не возбранен ми будет восход от духов лукавствия! Господи, в руце Твои предаю дух мой!» И сия рек, абие дух испустил еси. Мы же, сицевому праведному преставлению дивящеся, тако тя ублажаем:

Радуйся, житием и исходом твоим нас поучаяй; радуйся, горняя мудрствовати, а не земная нас призываяй.

Радуйся, никиимже сластем мирским себе приобщивый; радуйся, блаженную кончину от Бога приемый.

Радуйся, о смерти присно в животе своем помышлявый; радуйся, словеса апостола «по вся дни умираю» исполнивый.

Радуйся, со апостолом Павлом смерти вожделевый; радуйся, разрешитися и со Христом быти присно желание имевый.

Радуйся, слезами и молитвами себе к смерти уготовавый; радуйся, сего ради от смерти не на суд, но в живот пришедый.

Радуйся, вечней радости со Христом по смерти приобщивыйся; радуйся, дерзновение велие пред Богом стяжавый.

Радуйся, преподобне Иоанне, Рыльский чудотворче, славо и радосте наша.

Кондак 11

Пением молебным ублажати тя наставшу времени, благовоние нача от гроба твоего источатися, преподобне Иоанне. Сего ради гроб твой отверзоша и тело твое обретоша нетленно и благоухания исполнено. Оттоле многая чудеса совершахуся от мощей твоих во исцеление к тебе прибегающих и Богу вопиющих: Аллилуиа.

Икос 11

Светоприемную свещу яви тя Господь, преподобне, и храм Духа Святаго, тело же твое тлению непричастно соблюде. Взирающи убо на благодать сию, прославляем тя сице:

Радуйся, нетлением твоим всемогущество Божие благовествуяй; радуйся, безсмертие телес последи общаго воскресения предобразуяй.

Радуйся, нетлением твоим славу Божию в Церкви явивый; радуйся, истину воскресения мертвых утвердивый.

Радуйся, по смерти игумену обители Рыльския во сне явивыйся; радуйся, твоя мощи в Средец град пренести повелевый.

Радуйся, дивная чудеса и зде сотворивый; радуйся, в град Тернов пренесен велия знамения соделавый.

Радуйся, от мощей твоих во градех стольных благодать пролиявый; радуйся, и в пленении быв силами всех ужасивый.

Радуйся, Мануилу царю греческому исцеление даровавый; радуйся, епископу Остригомскому язык связавый и разверзавый.

Радуйся, преподобне Иоанне, Рыльский чудотворче, славо и радосте наша.

Кондак 12

Благодать велию дарова ти Господь за многую любовь, предивный угодниче Божий, преподобне отче наш Иоанне, недуги исцеляти, заблуждшия просвещати и всем просящим быти во спасение. Темже благодаряще Господа, нам тебе даровавшаго, присно зовем ему: Аллилуиа.

Икос 12

Поюще тебе песнь недоумеем, како вся дивная деяния твоя словесы немощными изобразити, преподобне! Зряще же тя велика в угодницех Божиих, дерзаем сице восхвалити тя, зовуще:

Радуйся, в подвизех и трудех предивный; радуйся, прославленным тобою Богом прославленный.

Радуйся, далече вне Церкве Болгарския просиявый; радуйся, и иными Православными Церквами чтимый.

Радуйся, нетленною десницею в Церкви Российстей обитаяй; радуйся, благодатию великих отцев Церкве блистаяй.

Радуйся, подвиги преподобных Антония и Макария явивый; радуйся, деяния светил российских Сергия и Серафима предизобразивый.

Радуйся, от краля унгарскаго прославленный; радуйся, и от турских султанов почтенный.

Радуйся, во обители Рыльстей верными и неверными доселе почитаемый; радуйся, велиих ради чудес твоих от всех прославляемый.

Радуйся, преподобне Иоанне, Рыльский чудотворче, славо и радосте наша.

Кондак 13

О, великий Иоанне, Рыльский чудотворче! Приими сию малую похвалу нашу и молися за ны ко Господу, да ниспослет нам милость Свою и покаянию истинному научит нас, избавит же нас от власти миродержителей тьмы века сего и сохранит в православней вере же и благодатном жительстве под дивным покровом Божия Матере, да спасеннии твоим ходатайством вопием Богу: Аллилуиа.

(Этот кондак читается трижды, затем икос 1 и кондак 1)

Молитва к преподобному Иоанну, Рыльскому чудотворцу и пустынножителю

Молитва мученику Иоанну Воину

О великий Христов мучениче Иоанне, православных поборниче, врагов прогонителю и обидимых заступниче! Услыши нас, в бедах и скорбех молящихся тебе, яко дана тебе бысть благодать от Бога печальныя утешати, немощным помогати, неповинныя от напрасныя смерти избавляти и за всех зле страждущих молитися. Буди убо и нам поборник крепок на вся видимыя и невидимыя враги наша, яко да твоею помощию и поборством по нас посрамятся вси являющии нам злая. Умоли Господа нашего, да сподобит ны, грешныя и недостойныя рабы Своя (имена), получити от Него неизреченная благая, яже уготова любящим Его, в Троице Святей славимаго Бога, всегда, ныне и присно и во веки веков. Аминь.

Личное прошение

О великий Христов мучениче Иоанне! Услыши мя, прибегающего к тебе (имя), подаждь в скорби моей скорую помощь и заступление (содержание прошеная), яко да твоею помощию и поборством по мне посрамятся вси являющии мне злая. Аминь.

(Св. Иоанн, будучи тайным христианином, служил в императорском войске. Посланный преследовать христиан, он вместо этого помогал гонимым. Открыто исповедав Христа, принял мученическую кончину. Известен также тем, что чудесным образом обличил воров в краже. Является покровителем христолюбивого воинства, ему молятся о заступлении от воров и грабителей, о нахождении утерянного или похищенного)

ИОНА КИЕВСКИЙ

Преподобный Иона Киевский, фотография кон. XIX в.

Иона (Мирошниченко), в схиме Петр (1802 — 1902), Киевский чудотворец, преподобный

Память 9 января — преставление, 22 октября — прославление в 1995 году (Укр.), в Неделю по Воздвижении — второе обретение и перенесение мощей в 1993 году (Укр) и в Соборах Брянских, Киевских и Полтавских (Укр.) святых

Родился в 1802 году в семье Павла и Пелагеи Мирошниченко и получил имя Иоанн. Родители Иоанна происходили из мещан посада Крюкова (ныне в черте города Кременчуга) Полтавской губернии Кременчугского уезда. Семья Мирошниченко жила в бедности, и родители Иоанна не могли дать ему хорошего образования. Единственным, чему он научился, было чтение. Как большинство других детей его сословия, учился читать он по Часослову и Псалтири. От природы он был одарен Господом высокими и богатыми умственными дарованиями и твердою памятью. С детства он любил чтение книг, особенно религиозно-нравственных, и читал очень много.

Будучи с малых лет весьма набожным, Иоанн Мирошниченко очень часто посещал монастыри и первоначально поселился в качестве послушника у преподобного Серафима Саровского. Послушник Иоанн прожил на послушании у великого старца восемь лет. За это время он научился творению умной молитвы. Тогда и было положено основание его духовной жизни. Не случайным был тот факт, что святой Серафим послал его к ученикам Паисия Величковского. Преподобный Серафим благословил Иоанну идти в Брянскую Белобережскую пустынь, куда, согласно воле старца, он поступил послушником в 1836 году.

Через семь лет, в 1843 году, Иоанн Мирошниченко принял монашество с именем Ионы и в 1845 году был рукоположен в сан иеродиакона.

Проводя жизнь в обители в суровых подвигах поста и воздержания, в постоянной молитве и богомыслии, Иона развил в себе высокую степень самоуглубления и самовникания, тщательно следил за своею внутреннею жизнью и духовным развитием. Тут же он удостоился особого видения, повлиявшего на его дальнейшую жизнь, которое он понял как веление Промысла взять на себя дело устройства на берегах Днепра нового монастыря. Он решил уйти в Киев.

В 1851 году отца Иону встретил Киевский митрополит святитель Филарет, по его воле и желанию в августе того же года иеродиакон Иона был переведен в Киевский Никольский монастырь. Затем в 1858 году он был рукоположен в сан иеромонаха, и через два года, в 1860 году, переведен в число братии Киевского Выдубицкого монастыря, расположенного на одной из весьма живописных окраин Киева, на так называемом Зверинце. Уже в это время иеромонах Иона выделялся своей духовной опытностью и благочестивой жизнью, и многие киевляне искали случая получить совет и наставление у отца Ионы, быть его духовными чадами.

1 марта 1861 года, выйдя на крыльцо своей келии в монастыре о. Иона, увидел на горе сияние и пожар. В страхе он побежал спасать своих братьев, но подойдя, заметил, что пламя, охватившее братский куренек, не причиняло им никакого вреда. Келья стояла невредимой, а рядом в столпе огня он увидел Божию Матерь с сонмом святых. Владычица коснулась головы его и возвестила, что пришла навестить это место, Сыном Ее издревле предызбранное. «Моя благодать пребудет здесь во веки. Неотступно буду посещать место это, и многие тут спасутся. Многие придут в обитель эту, ты их всех приими, никого не презирая — все чада Божии». После этих слов Владычица отступила и стала невидимой, а на снегу остались следы Ее пречистых стоп. 9 марта 1862 года место над выдубицким урочищем вновь озарилось огнем, вновь Иона увидел стоящую в столпе неопалимого огня Владычицу с сонмом святых. Утверждая отца Иону к послушанию воле Божией по обустройству здесь монастыря, Матерь Божия сказала, что он — лишь «грабли, секира, избранное Господом орудие дивных и святых дел». Так сама Богородица избрала угодника своего для устроения новой обители.

Среди многочисленных духовных дщерей о. Ионы была и супруга тогдашнего киевского генерал-губернатора княгиня Васильчикова, весьма уважаемая отцом Ионой, много содействовавшая и помогавшая ему, особенно в построении новой Троицкой обители. В 1867 году построена была деревянная церковь во имя Святой Троицы, которая в 1871 году заменена обширным и великолепным каменным храмом. Княгиня Васильчикова пожертвовала от себя монастырю дачу в 55 десятин земли близ Киева. С этого же времени новый монастырь постепенно становится крупным собственником земли: частью — путем пожертвований, частью — путем покупки, где монахами ведется образцовое сельское хозяйство. В августе 1872 года о. Иона был возведен в сан игумена. Многие дивились мудрой распорядительности и заботливости настоятеля, умению привлекать щедрые пожертвования на монастырь. В то же время старец отличался особой бережливостью и простотой в образе жизни.

Преподобный Иона стал известен всей Российской Империи, со всей страны к о. Ионе ехали люди, чтобы услышать его совет и получить благословение. За свою долгую многотрудную земную жизнь старец сподобился многих чудесных видений, даров прозорливости и исцелений.

Преподобный Иона Киевский, фотография нач. XX в.

Указом Святейшего Синода от 17 января 1886 года о. Иона назначен настоятелем Киево-Межигорского Спасо-Преображенского монастыря с возведением в сан архимандрита.

Весной 1897 года о. Иона сильно заболел. Все уже считали, что старец на смертном одре и пришли прощаться с ним.

Вслед за этим явлением с поистине юношеской энергией старец, которому шел 98-ой год, довершил строительство громадного каменного корпуса, собрав 100 тысяч рублей на его возведение. Собирает он еще 200 тысяч на колокольню и получает утверждение Государем ее проекта.

Но, тем не менее, здоровье старца становилось все слабее. Резолюцией Киевского митрополита Иоанникия от 9 декабря 1899 года отец Иона по старости и болезни был уволен от управления своим Свято-Троицким монастырем и оставлен лишь настоятелем его. Несмотря на свой преклонный возраст, о. Иона почти до последних дней своей земной жизни сохранил бодрость духа и проявлял присущую ему энергию, но последние два года свой жизни он страдал неизлечимой и тяжкой болезнью, от которой и слег в постель после 1901 года. 15 декабря 1901 года он был соборован. С этого дня до самой кончины старец принимал у себя в келье богомольцев, а 6 января 1902 года стал прощаться с братией. У него спросили разрешения отслужить всенощное бдение и обедню о выздоровлении его, но он ответил: «Не надо служащих беспокоить, я все равно в среду отойду». В ночь с 8 на 9 января служащий в соборе иеромонах, говоря ектенью, никак не мог помянуть о здравии архимандрита Иону, что-то его останавливало. Как оказалось, в это самое время блаженный старец отошел ко Господу. Тихо, мирно, непостыдно, в окружении своих духовных чад и учеников закончил свою земную жизнь преподобный Иона, постриженный в схиму с именем Петр.

Прп. Иона Киевский

Почитание

Прощание братии и богомольцев со своим любимым наставником, на которое собралось множество людей, состоялось 12 января. По кончине преподобного продолжали совершаться исцеления, усопший старец являлся многим, знавшим его.

В 1966 году кощунственно был вскрыт склеп в Троицкой обители, в котором покоились нетленные мощи преподобного Ионы. После того, как стало известно о надругательстве, монахи еще не закрытой к тому времени Киево-Печерской Лавры вынесли их из храма и перезахоронили на Зверинецком кладбище. 4 октября 1993 года по благословению митрополита Киевского Владимира святые мощи были перенесены со Зверинецкого кладбища обратно в соборный храм монастыря на место своего первоначального упокоения.

Взирая на широкое почитание старца Ионы Киевского и обилие чудес, происходящих по его молитвам, 22 ноября 1995 года решением Священного Синода Украинской Православной Церкви он был причислен к лику святых.

Молитвословия

Тропарь на преставление, глас 4

Я́ко лучеза́рное со́лнце от коне́ц земли́ возсия́вшее/ яви́лся еси́ дне́сь на после́док дни́й/ тезоимени́тому проро́ку подо́бяся/ во е́же воздви́гнути лю́ди к покая́нию./ Те́мже и Сама́ Пречи́стая с со́нмом святы́х тебе́ мно́гажды яви́шася,/ Ея́же повеле́нием создана́ бы́сть оби́тель во и́мя Живонача́льныя Тро́ицы. К Не́йже име́я дерзнове́ние,/ моли́ преподо́бне о́тче на́ш Ио́но,// пода́ти на́м ми́лость и оставле́ние грехо́в в де́нь су́дный.

Кондак на преставление, глас 2

Благода́тию Бо́жиею на́с обогати́л еси́/ и де́лы благи́ми извести́л еси́,/ зва́нием яви́вся, Ио́но, уго́дник Христа́ Бо́га./ В моли́твах и посте́х дарова́ний Бо́жия Ду́ха испо́лнися/ и бы́сть неду́гом прогони́тель// и засту́пник душа́м на́шим.

Тропарь на прославление, глас 8

Дне́сь возсия́ на́м па́мять твоя́, сла́вне,/ я́ко со́лнце, светоза́рно луча́ми озаря́ющая ми́р/ и тьму́ но́щи злы́х духо́в от на́с отгоня́ющая./ Дне́сь Небе́сныя си́лы святы́х А́нгел и ду́ши пра́ведных/ мы́сленно торжеству́ют, ра́дующеся./ Дне́сь и мы́, гре́шнии, припа́дающе, мо́лимся:/ о́тче преподо́бне Ио́но,/ Христа́ Бо́га моли́ непреста́нно*/ спасти́ оби́тель Живонача́льныя Тро́ицы,// и гра́д и лю́ди, любе́зно тебе́ почита́ющия.

Кондак на прославление, глас 8

Я́ко безпло́тным равножи́тель,/ все́х преподо́бных превзоше́л еси́/ по́стническими труды́ и бде́нии моли́твенными, му́дре Ио́но,/ те́м восприя́л еси́ от Бо́га исцели́ти неду́ги и прогони́ти бе́сы,/ и того́ ра́ди вопие́м ти́:// ра́дуйся, о́тче преподо́бне Ио́но.

Тропарь на перенесение мощей, глас 4

Твои́х моще́й возвраще́нием/ оби́тель твоя́ обогати́ся,/ це́рковь же твоя́, прие́мши я́, просвети́ся/ и, крася́щися, ве́рных созыва́ет с весе́лием/ светоно́сный тво́й све́тло пра́здновати де́нь,/ гряди́те, глаго́лющи,// и приими́те благода́тей дарова́ния.

Кондак на перенесение мощей, глас 8 (Подобен: Взбранной:)

Насле́дник отце́в бы́л еси́, преподо́бне,/ те́х после́дуя житию́ и уче́нию,/ обы́чаю и воздержа́нию, моли́тве же и предстоя́нию./ С ни́миже, име́я дерзнове́ние ко Го́споду,/ проще́ние согреше́ний и спасе́ние испроси́ вопию́щим ти́//: ра́дуйся, о́тче Ио́но.

Величание на перенесение мощей

Ублажа́ем тя́,/ преподо́бне о́тче на́ш Ио́но,/ и почита́ем цельбоно́сных и честны́х твои́х моще́й обре́тение.